• Portada
  • >
  • Asturies
  • >
  • Hestories del Corona-virus XIX: pa qué val un centollu

Hestories del Corona-virus XIX: pa qué val un centollu

  • 30 Xunetu, 2020
  • Mira esto Pachu, lleven los reis a reciclar.
  • ¿Cómu va ser eso?
  • Que si, ho, que lo trae’l periódicu. Van a COGERSA, a la planta tratamientu de basories.
  • Quita pallá, si eso nun ye nin reciclable…
  • Qué se yo, pa compós igual valen. Paez ser que diben a pasar pela Atalaya, pero debió dayos miéu garrar daqué, con tanta xente que diba a la sablera…
  • Qué miéu van tener esos al bichu, si el corona-virus traenlu ya de serie namás que ñacen… lo que tienen miéu ye a que-yos tiren un centollazu dende’l Náuticu. Diba prestar, dime tú que non y llúeu tola nueche a cellebralo con sidre.
  • Calla la boca, desconsideráu, asesín, incosciente, a cellebralo, diz.
  • Coime neña, yo cunté que yeres republicana.
  • Non, si lo del centollazu véolo bien, pero tola nueche… tú quies matanos. ¿Qué ye, que nun sabes que depués de les 12 el covid vuélvese peligrosu?
  • ¿Cómu los gremlins?
  • Lo mesmo. Dizlo Adrianín que d’eso sabe un güevu, namás hai que sentilu falar del tema, nun calla. De magar les doce, tomen la barra, y a les dos ya ye’l desmadre, hai que colar de los llocales porque se pon too perdio de virus y nun hai quien apare allá.
  • Meca. Y yo que cuntaba que los chigres creaben un campu magnéticu antivíricu que tolo aparaba; nun se pue fiar ún de na. Cualquier día dícenmos que los esportistes tampocu tan inmunizaos y cáeseme un mitu…
  • Si, de la bicicleta va caésete, que la lleves del ramal perdayuri pa que te protexa.
  • Bah, ye que ya nun se pue fiar ún de naide. Tovía nos dirán mañana que COGERSA nun tien capacidá pa tantu residuu y nos los dan de vuelta.
  • Tovía…

Pa un analís internu del díe ente díe pandémicu, nun vos perdais Hestories del Coronavirus I, II, III, IV, V, VI, VII, VIII, IXX, XI, XIIXIII,  XIV , XV  , XVI ,  XVII  y XVIII

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies