-
Barbón fala de «saldu positivu» de mocedá, pero retener población sigue chocando cola vivienda y la precariedá
Adrián Barbón aseguró en Madrid qu’Asturies pasó a tener un saldo positivu de «varios miles» de persones d’ente 15 y 31 años. Los datos migratorios confirmen que’l país gana población por movimientos d’entrada, pero la nota oficial nun desglosa cuántos son retornos nin cómo se distribúin por orixe, y la vivienda, los salarios y la perda d’emplegu industrial siguen condicionando la posibilidá real d’afitar mocedá. -
El Principáu pon 10 millones nel PIOME pa 10.000 persones, pero nun publica la tasa d’inserción del programa actual
El Conseyu de Gobiernu aprobó 10,08 millones d’euros pal Programa Integral d’Orientación y Meyora de la Empleabilidá de 2026-2028. La edición actual atendió yá a 9.953 persones, pero’l balance difundíu cuantifica orientaciones y sofitu al autoemplegu ensin indicar cuántes acabaron consiguiendo un puestu de trabayu. -
L’afiliación de persones estranxeres medra un 27% n’Asturies y llega a 36.800
Asturies cuntaba n’agostu con 36.800 persones estranxeres afiliaes a la Seguridá Social, 7.800 más que va un añu. La medría interañal, del 27%, ye mui superior a la media estatal y llega nel momentu nel que la regularización estraordinaria ta permitiendo que miles de persones que yá trabayaben salgan de la economía sumergida. -
La futura llei del Tercer Sector abre más participación y refuerza la concertación de los servicios sociales
El Principáu abre dende güei y hasta’l 14 d’ochobre’l periodu d’aportaciones al anteproyectu de Llei d’Entidaes del Tercer Sector d’Acción Social. La norma crea un rexistru, un Conseyu pal Diálogu Civil y un observatoriu propiu, y plantea la acción concertada como vía preferente de collaboración coles entidaes sociales. La reconocencia del sector abre al empar un debate imprescindible sobre hasta ónde llega la collaboración y ónde tien de siguir respondiendo directamente lo público. -
50,3 millones pal Aeropuertu d’Asturies mientres el tráficu internacional cai un 12,5%
El Conseyu de Ministros aprobó 50,3 millones d’euros d’inversión nel Aeropuertu d’Asturies ente 2027 y 2031 pa renovar la pista, ampliar la sala d’embarque internacional y modernizar la terminal. L’anunciu coincide col meyor agostu de la historia en númberu total de viaxeros, pero con una paradoxa: el tráficu nacional medra con fuercia mientres l’internacional acumula una cayida del 12,5% nel añu. -
Quince escolinos de Les Regueres siguen ensin tresporte escolar
Families de Biedes, Paraes, Premió y Agüera tienen que llevar ca díi pola so cuenta a los neños y neñes hasta’l CP Príncipe d’Asturies, en Santuyanu, mentanto Educación, el CTA y la empresa responsable, valenciana, van treslladándose a responsabilidá ensin dar una solución. Los díes pasen, el cursu avanza y quince neños y neñes de […] -
Los precios suben cuasi el 4% añal, un puntu enteru más que los salarios
El IPC asturianu algamó en agostu’l 3,9% interañal, la tasa más alta dende 2023. La medría supera les xubíes salariales pactaes na mayoría de los convenios, el 3,1% aplicáu al salariu mínimu y, con más diferencia entá, l’incrementu de les retribuciones públiques. La resultancia ye una nueva presión sobre’l poder adquisitivu de les families, especialmente […] -
Les agresiones sexuales investigaes por añu n’Asturies pasen de 67 a 175 en cinco años
L’Institutu de Medicina Llegal investigó 175 casos durante 2025, frente a los 67 contabilizaos en 2020. La mayor parte de les víctimes son muyeres d’ente 18 y 30 años, mientres los profesionales detecten tamién un aumentu de les denuncies que tienen como víctimes a menores varones. Les cifres de violencia sexual que lleguen al Institutu […] -
Iván Aitor Lucas dexa Innovación cuando’l Principáu apuesta bona parte de la so estratexa económica a la tecnoloxía
El director xeneral d’Innovación, Investigación y Tresformación Dixital anunció que dexa’l Gobiernu asturianu tres siete años na Alministración. La salida produzse nun momentu especialmente sensible, col Principáu desplegando proyectos millonarios d’intelixencia artificial, centros de datos, digitalización empresarial y polítiques d’I+D+i. -
Les primaries del PSOE de Xixón queden en tres candidatures tres la retirada d’Álvarez Raja
Iván Álvarez Raja retiró esta mañana la so candidatura a encabezar la llista municipal del PSOE de Xixón alegando motivos de salú. Lara Martínez, José Ramón Tuero y Alberto Ferrao siguen agora na carrera y tienen hasta’l miércoles pa reunir 189 avales cada ún.
Sigue InfoAsturies
Recibi les noticies por RSS nel to llector de feeds, ensin dar el corréu.
Col sofitu de la Conseyería de Cultura, Política Llingüística y Turismu
