-
2.500 persones llenen Uviéu contra la violencia ultra y reclamen la dimisión de Canteli
Unes 2.500 persones, según la Policía Nacional, concentráronse esti sábadu 19 de setiembre delantre del Conceyu d’Uviéu en respuesta a l’agresión sufrida por Rubén Rosón y Jorge Fernández, integrantes d’AMA Asturies, y a les vandalizaciones posteriores de la caseta del colectivu en San Matéu. La movilización reclamó una respuesta institucional firme y la dimisión del alcalde, Alfredo Canteli, poles sos declaraciones tres l’agresión. -
Salave convierte más de 20 años de resistencia a la mina d’oru nuna esposición colectiva
L’antigua Casa de Cultura de Tapia acueye hasta’l 4 d’ochobre «Que 20 años no es nada», una esposición construyida con testimonios, imáxenes y materiales de más de dos décades de movilización contra los sucesivos proyectos de mina d’oru en Salave. La muestra llega cuando’l conflictu sigue ensin poder considerase definitivamente zarráu. -
Xixón encarez el comedor escolar a 110 euros al mes al pasar a llinia caliente
Les families usuaries fixes del comedor escolar municipal van pagar 110 euros mensuales a partir de 2027, quince más que col preciu actual. L’almuerzu va pasar a 51 euros y l’atención temprana a 40, al tiempu que’l nuevu contratu con Ausolan sustituye la llinia fría por menús cocinaos y sirvíos nel mesmu día. -
Les lanzaderes de branu baten récord con 272.364 viaxeros: el tresporte públicu furrula cuando hai oferta
Les 36 rutes especiales de branu del CTA movieron 272.364 persones ente’l 1 de xunetu y el 8 de setiembre, un 17,5% más que nel mesmu periodu de 2025. L’éxitu del dispositivu pa zones turístiques y espacios naturales demuestra la capacidá del tresporte colectivu pa retirar coches de les carreteres, pero tamién abre una pregunta: por qué esa ambición de frecuencies y conexones nun se tresllada con igual intensidá a les necesidaes añales de la población residente. -
IU acuta la reforma fiscal y avisa de que’l modelu de financiación estatal «nun val p’Asturies»
Ovidio Zapico asegura que la reforma fiscal que negocien PSOE ya IU va ser «mui puntual» y non «de caláu», y pon como llende la financiación de la sanidá, la vivienda y les midíes frente al encarecimientu de la vida. Al mesmu tiempu, confirma’l votu contrariu d’IU al modelu de financiación autonómica plantegáu pol Ministeriu si nun incorpora cambeos sustanciales pa responder a les necesidaes d’Asturies. -
Alantre moviliza 10 millones del Fondo de Transición Xusta: el retu ye convertelos n’industria y emplegu estable
El Gobiernu asturianu aprobó’l Fondo de Consolidación Empresarial Alantre, un instrumentu de 10 millones d’euros procedentes del Fondo de Transición Xusta que va xestionar la Sociedad Rexonal de Promoción. La financiación va dir principalmente a préstamos ordinarios y participativos pa inversión productiva de pymes y proyectos tractores; agora toca demostrar con datos que los recursos europeos aumenten capacidá productiva y emplegu estable n’Asturies. -
El Güerna recupera los cuatro carriles casi dos años dempués del argayu, pero’l peaxe sigue nel centru del conflictu
La AP-66 recuperó esti vienres a les 15:00 hores los cuatro carriles na zona del gran argayu de payares de 2024, dempués de casi dos años de restricciones y obres nuna de les principales comunicaciones d’Asturies cola Meseta. La reapertura acaba con esti corte concretu, pero non cola anomalía d’una autopista de peaxe que sigue con obres nos túneles y cola prórroga de la concesión cuestionada institucional y xudicialmente. -
Fiestes Populares caltién «Somos Más» y disputa col Conceyu d’Uviéu l’algame de la resolución municipal
Fiestes Populares d’Uviéu caltién pa güei la movilización y el festival «Somos Más» na plaza la Catedral y sostién que la resolución municipal namás deniega l’ampliación d’horarios y unes condiciones especiales de carga y descarga, pero non los conciertos previamente autorizaos. El Conceyu interpreta la tramitación d’otra manera y el choque institucional llega dempués de l’agresión sufrida por dos miembros d’AMA Asturies y de nuevos actos vandálicos na caseta de San Matéu. -
Duro Felguera aprueba Tula mientres el Principáu ufierta 10,7 millones pol taller de Barros pa Indra
La Xunta Xeneral Estraordinaria de Duro Felguera aprobó la participación de la compañía nel proyectu enerxéticu de Tula, en México, con 47 meses d’execución y 210 millones de nueva actividá. El mesmu día, la Sociedad Rexonal de Promoción formalizó una ufierta non vinculante cercana a 10,7 millones d’euros pol taller de Barros pa mercalu con dineru públicu y arrendálu dempués a Indra pal so proyectu de defensa y seguridá. -
Tres internos adultos de Sograndio pasen a prisión mientres el Principáu refuerza un centru en crisis
Tres persones mayores d’edá que cumplíen midíes nel Centru de Responsabilidá Penal de Menores de Sograndio fueron treslladaes a una prisión d’adultos tres la tramitación correspondiente nos xulgaos de menores. El Principáu reconoce una situación «escepcional» nel centru y cifra en 935.000 euros les actuaciones recientes de seguridá ya infraestructures, al tiempu que prepara más personal, nuevos protocolos y otru equipamientu na mesma parcela.
Sigue InfoAsturies
Recibi les noticies por RSS nel to llector de feeds, ensin dar el corréu.
Col sofitu de la Conseyería de Cultura, Política Llingüística y Turismu
