Xixón 100

Una auténtica ciudá cultural

30/11/22

La Universidá Llaboral, diseñada por Luis Moya a finales de los años 40, sufrió una espectacular tresformación en 2001, dotándola d’una gran actividad artística.

L’edificiu foi concebíu en principiu como orfanatu mineru y tresformáu nel tiempu de la so construcción n’Universidá Llaboral. Foi pensada una gran ciudá ideal autárquica y zarrada sobro sí mesma, que disponía inclusive d’una granxa de 100 hectáries y taba preparada pa formar a xeneraciones de fíos d’obreros como profesionales altamente cualificaos.

Construyida según los ideales de l’arquiteutura clasicista, el centru d’esta ciudá ideal sedría la gran plaza central, alredor de la cual dispónense la magnífica ilesia, la torre, el teatru y los edificios de direición. En redol a esi auténticu corazón monumental de la ciudá, espléguense’l restu de dependencies.

La fachada principal cuenta con un arcu d’entrada rematáu en forma de torre, que remembra los arcos de trunfu romanos. Namás cruciar la puerte, apórtase a un patiu rectangular arrodiáu por colunes de granitu de diez metros y mediu d’altor. La disposición del patiu xenera un vivu contraste ente les pimpanes mases de les columnes y la piqueña abertura que dexen nel so centru, abierta al cielu.

El patiu arrexunta los edificios más representativos del conxuntu y conviértese nun espaciu de camín obligáu, verdaderu corazón del edificiu. La so torre convirtióse nel símbolu más destacáu de la Llaboral, dende que’l so mirador pue esfrutase d’unes vistes espectaculares de too Xixón. Nel mesmu patiu, atópase una pímpana Ilesia que ye, dende’l puntu de vista arquiteutónicu, una pieza de singular interés na que destaca la so gran cúpula elíptica y la profusa ornamentación esterior. Ye un espaciu nel que conviven los usos artísticu y espositivu.
El conxuntu d’edificios empezó a construyise en 1948 y les obres siguieron mientres años fasta ser deteníes de sópitu en 1957, a raigañu del cese fulminante del Ministru de Trabayu, José Antonio Girón, principal impulsor de les universidaes llaborales españoles. Aquel díi, yá los primeros alumnos asistíen a les clases de la institución xixonesa. Inacabada y arrodiada de llexendaries hestories, la mole de la Universidá Llaboral de Xixón vivió cuasique medio sieglu ente l’incondicional entusiasmu afeutivu de quien la habitaben y l’incomprensión o l’abiertu refugu de quien la reparaben dende fora como escomanada o estemporánea.

Na Universidá Llaboral, dirixida polos xesuites dende’l so entamu y asistida nos llabores d’intendencia diaria por monxes clarises, formáronse xeneraciones d’estudiantes y profesionales cualificaos –torneros, mayestros industriales, soldadores, fresadores, peritos…– procedentes de toles provincies españoles. Munchos d’ellos constitúin agora una activa Asociación d’Antiguos Alumnos que caltien vivu l’alcordanza de la hestoria de la institución.

Nos años ochenta, pasa a formar parte del Institutu Nacional d’Enseñances Integraes y bona parte de les istalaciones queda ensin usu, sometida a un procesu imparable d’abandonu y deterioru fasta que, en 2001, el gobiernu del Principáu d’Asturies fai cargu del edificiu y empieza per diseñar un ambiciosu plan d’usos pa insuflar nueva vida a la infrautilizada ciudá ideal de Luis Moya.
Oxetu de toa clase de contrapuestes llectures polítiques, artístiques ya ideolóxiques, la ciudá ideal superó toles contradicciones fasta llegar al sieglu XXI como lo que siempres foi: un magníficu y singular discursu de puros valores arquiteutónicos. Como Rafael Moneo escribió, refiriéndose al conxuntu de la obra de Moya, “agora, al esprendenos de lo circunstancial, miramos con otros güeyos, güeyos que nun esclúin el respigu, el que produz aquello que por menos conocíu paez anómalu, y al que siempres acompaña, sicasí, un difusu sentimientu nel que s’entecrucen simpatía y respetu”.

Un espectacular tresformamientu Cuando nel añu 2001 el gobiernu del Principáu d’Asturies faise cargu del edificiu de la Universidá Llaboral, decide anovase un espaciu de gran complexidá consolidando les sos funciones formatives y aniciando nuevos usos complementarios. Concíbese entós sobreponer a la ciudá ideal de Moya una idea de ciudá nueva, un centru de producción cultural y creativa del sieglu XXI, con espacios p’aprender y enseñar; pa ver, oyer y consumir productos culturales; pa compartir redes, intercambiar conocencia y comunicar idees.

Esi plan d’usos definíu foi’l que determinó una intervención integral nun edificiu complexu y d’escala monumental, colos sos 130 000 metros cuadraos. Empecipiaes en 2005, de les principales obres acometíes yá na Llaboral sobro una estensión d’unos 80 000 metros cuadraos, remanecieron un centru d’arte creáu de magar delles de les naves de formación profesional; un plató de nueva construcción, que completa les anovaes instalaciones del conventu de les clarises, agora see de la Radiotelevisión del Principáu d’Asturies; una espectacular biblioteca, culminación de parte del proyectu inacabado de Moya; el patiu Corintiu, convertíu n’espaciu de templada acoyida gracies a una nueva cubierta de vidriu; el magníficu paraninfu y miles de metros rehabilitaos p’acoyer el Centru Integráu de Formación Profesional, la Facultá de Comerciu, Turismu y Ciencies Sociales “Xovellanos”, el Conservatorio Profesional de Música y Dancia o la Escuela Cimera d’Arte Dramáticu.

Tres dos años d’obres que nun interfirieron na vida diaria del edificiu, en marzu de 2007 Llaboral Ciudá de la Cultura abrió les sos puertes pa ufiertar demientres quince díes de xornaes abiertes la oportunidá de conocer esos nuevos espacios a miles de visitantes, que tamién pudieron comprobar el procesu de tresformamientu del Teatru o sosprendese, de nuevu, cola magnitú de la impresionante Ilesia. Tamién en marzu de 2007 inaugurábase Llaboral Centru d’Arte y Creación Industrial, un espaciu singular pal intercambiu artísticu de repercusión internacional.


 

 

La Montera Picona de Ramón

28/11/22

Emilio Rubio y Alejandra Venegas, al mandu de la emblemática sidrería allugada na cai Saavedra de Xixón, esfórciense costantemente por siguir de manera ferrial tola normativa pa llocales hosteleros.

“Quien venga equí, nun tien que tener dulda nin de la calidá de la cocina, nin de la del serviciu, nin de la seguridá. Siguimos tolos protocolos ce por be ya inclusive vamos acullá”, aseguren Emilio Rubio y Alejandra Venegas, al mandu de La Montera Picona de Ramón. Nesta entrevista conocemos cómo prepararon al establecimientu y al personal pa que los sos veceros puedan esfrutar con total comodidá de la sidrería, pero tamién, teniendo la certidume de que tán protexíos.

Munchos de los veceros de La Montera Picona de Ramón recuerden los sos entamos na Parrilla Ramón. Ese local foi unu de los principales puntos d’alcuentru nel barriu d’El Cotu…

EMILIO: Sí y la verdá ye que queremos estimar bien de tol enfotu que los veceros depositaron en nós. Gracies a el so sofitu pudimos consiguir, por casu, salir nun programa de Comando Actualidad de Televisión Española, tamién na Televisión del Principáu de Asturies en Mundu Sidreru. Recibimos premios polos nuesos cachopos, poles tortielles de pataca; col pote tuvimos una mención…
ALEJANDRA: Los nuesos veceros fueron el motor de tolo que fiximos na Parrilla Ramón. Y por ello siempres collaboramos colos distintos colectivos de la zona. Inclusive llegamos a recibir la Cruz de Ciares per parte de l’asociación de vecinos. Sentímonos bien arguyosos por ello.

Agora ustedes decidieron dar un pasu alantre y centrase en La Montera Picona, ¿una decisión complicada?

EMILIO: Sí, foi xuna decisión dura. Pero tomemos la determinación d’afitanos equí. Tamos consiguiendo qu’esti llocal tamién se vuelva una referencia sidrera y gastronómica tanto pa Xixón como p’Asturies. Y por ello ye necesario concentrar tolos nuesos esfuerzos nuna direición.


La espiga del polígono

26/11/22

Panes, dulces y empanadas.

La Espiga del Polígono es un negocio muy de barrio que vive por y pa sus vecinos. Esta tienda está regentada, en esta nueva etapa, por Carmen Fernández, con la ayuda de su hijo Adrián.

El pan es una de sus señas de identidad, pudiendo escoger entre pan bregado, integral, sin sal, chapata, de centeno, sin gluten… Una amplia oferta a la que han sumado, recientemente, el genuino pan de leña, cocido en el horno y elaborado con productos totalmente naturales, sin conservantes ni aditivos.

Sus riquísimas y espectaculares empanadas han cautivado a los clientes, que pueden elegir entre las de hojaldre o pan, con rellenos pa todos los gustos: bonito; carne; pulpo; cecina, tomate y queso de cabra; vegetales; chorizo, beicon y huevo; bacalao con uvas pasas; morcilla con pera y manzana… También cuentan con empanadas traídas directamente desde Galicia.

Los más golosos, no pueden dejar de pasar la oportunidad de probar sus dulces, destacando su amplio surtido de bollería: croissant, mují, caracolas, napolitanas, coletas, palmeras, galletas o pastas de té.


El Veleru, tastu a mar en Cimavilla

20/10/22

Xintar nes terraces de Cimavilla ye siempres prestoso y más un domingu soleyeru como los qu’hai pocos qu’esfrutar n’Asturies, asina que tuvimos tentaos d’aprofitar la terraza d’El Veleru, que mos permitiría caltriar l’ambiente del barriu. Sicasí, preferimos conocer los remozaos interiores y pidimos mesa nel comedor.

Veníemos cola idega de prebar el so famosu pulpu a la chapa, del que sintiéremos falar auténtiques maravíes, pero la so bayurosa carta féxonos dudar asina que, comu lo que buscábemos yera’l tastu a mar, decidímonos finalmente por pidir una parrillada de mariscu de la casa, con productos del so propiu viveru, lo bastante variada pa que pudiéremos tastiar con ella delles de les especialidaes de la casa.

Espectacular, abondosa, servío en tiempu y nel so puntu. La receta tien un toque especial, cuyu secretu nun mos quinxeron compartir, que la fae especialmente saborguiosa.

Acompanguemos tou ello con delles botelles de sidre Contrueces DOP y rematemos la fartura con una xenerosa ración de tarta casero, pa rellambese.


Los oríxenes del taxi en Xixón

01/10/22

El primer vehículo a motor, un Vinot Deguingaud, llegó a la ciudá, en 1913, de la man d’Anselmo Alonso Fonseca,

En 1889 escomenzaron a circular per Xixón, los precursores de los actuales taxis, los llamaos coches de puntu, que yeren carruaxes d’arriendu de cuatro ruedes, tiraos por dos caballos, que cubríen los desplazamientos interurbanos. En 1891, un total de trelce empreses dedíquense a ufiertar esti serviciu na ciudá y, por cuenta de ello, el Conceyu viose obligáu, en 1899, a aprobar un reglamentu que regulara’l so funcionamientu.

Primer taxi a motor

Pa ver los primeros taxis a motor en Xixón, hai que remontase a la segunda década del sieglu XX. La hestoria empecipia cola llegada d’un coche en tren, procedente de Francia. En 1913, Don Anselmo Alonso Fonseca alquirió un Vinot Deguingaud, col cual entamó a rializar servicios de taxi na ciudá, pero detrás d’esta compra hai una impresionante hestoria detrás, yá que, como llegó a cuntar el mesmu Anselmo, el taxi qu’alquiriera y que-y llegó en tren a Xixón, salvó-y la vida. El martes 25 de febreru de 1913, Anselmo allegara en tranvía a guardar una esplosión controlada na fastera del Musel pa estrayer rellenu col que construyir la estación marítima del Puertu. Cuando la tranvía atopábase al altor de la estación de tren, Anselmo reparó qu’el so taxi topábase n’ún de los vagones del tren procedente de Francia y ansiosu camudó de planes y decidió baxar pa xestionar el papeléu que-y dexara disponer del vehículu. Una decisión clave, una y bones esi díi, un fallu na detonación causó centenares de mancaos y 22 muertos. De nun ver el taxi nel tren, la suerte de Anselmo podría ser otra.

Entamos de la modernización

A mediaos del sieglu XX, práuticamente tolos vehículos qu’había na ciudá yeren de color negru. Un taxista de Xixón, diose cuenta de qu’había qu’estremar los taxis de la ciudá, en ficies de que el ciudadanu estremara fácilmente de los coches particulares, polo que, optó por pintar el so vehículu con una franxa verde. Col tiempu, la so aición convirtióse n’obligatoria.

En 1958, el númberu de llicencies de taxi yera de 75. Amás, circulaben pela ciudá una ventena de vehículos qu’exercíen l’oficiu de forma illegal, y a los que denominaben “taxis pirates”. En dichu añu, el consistoriu municipal aprrbó un reglamentu del taxi en Xixón, nel cual obligábase a:

– Pintar los taxis en negru con una franxa verde de 15 cm d’anchu, teniendo que llevar atrás el númberu de llicencia correspondiente.
– Instalar taxímetros nos vehículos.
– Llevar uniforme pa la prestación del serviciu (gorra gris con camisa del mesmu collor con botones prietos).
– Suscribir un seguru de non menos de 100 000 pesetes de garantía de responsabilidá civil escontra terceros.


Gran ésitu de les campañes de turismu de Xixón

30/9/22

Meyora del so impautu dixital respeuto a les previsiones.

Según Daniel Martínez Junquera, direutor de Xixón Turismu, “son resultaos muncho meyores de lo qu’esperábamos. Conseguimos un 77% más d’impautos y un 81% más de visualizaciones completes nos videos de la campaña. Magar qu’hebo una xubida del esfuerzu turísticu n’otros destinos, optimicemos puxes pa xenerar más impautu. El númberu de clics y de visionaos tamién tuvieron porcentaxes más altos que la media, lo qu’indica qu’acertemos coles nueses apuestes”.

En xunu el mensaxe camudó a un más empobináu a reforciar la imaxe de Xixón como destín turísticu

Les campañes incluyeron publicidá n’Internet al traviés de banners y videos en sites de medios de comunicación online y webs de viaxes, espardimientu y gastronomía, televisiones online xeneralistes y autonómiques, redes sociales (Instagram, Youtube y Tiktok), revistes de viaxes online (Traveler y Viajes National Geographic) y publicidá esterior en Madrid y Barcelona. Les aiciones taben empobinaes a los viaxeros y viaxeres nacionales, con especial atención a millenials, pareyes ensin fíos o fíes y families.

Campaña internacional
Pese a centrar la mayor parte de la campaña nel turismu nacional, Xixón Turismu tamién asoleyó una campaña pequeña en Tripadvisor dirixida a les rexones más averaes de Francia y Portugal. La campaña reforcióse con publicidá en medios de comunicación online y webs de viaxes nesos países.

Esta campaña internacional algamó más de 1,6 millones d’impautos, 3.200 clics y más de 920.000 reproducciones completes de los spots.

 


Coneyu con sidra y castañes

26/08/22

Un platu ricu a la carne potencia los saborgos de la seronda

Ingredientes
•1 coneyu cortáu en trocinos
•20 castañes
•Salsa de soya
•2 vasos de sidra
•Mostaza
•Sal
•Aceite
•Agua

Ellaboración
Ponemos el coneyu cortáu en trocinos nun bol y adobamos con sal, della mostaza y salsa de soya.

Muncha atención nesti pasu pa que nun quede demasiao salao, porque la salsa de soya ye potente.

Nun sartén grande con un poco d’aceite, doremos el coneyu, saquémoslu y pasemoslu a una pota. Echemos los dos vasos de sidra y mediu vasu d’agua. Dexemos que se faiga y que reduza a fueu mediu, más o menos media hora.

Nuna pota más pequeña ponemos bien d’agua y amestemos les castañes cortaes. Cuando tean blandes, acutémosles.

Pelemos la mitá de les castañes y dorémosles nun sartén. Dempués, amestémosles a la pota col coneyu.

La otra mitá de les castañes va pasase con un poco de lleche y una cuyarada xenerosa de mostaza pola batidora o picadora. Emulsionemos hasta que tea bien cremoso y quede en testura de puré.

Emplatar y esfrutar d’un platu onde se topen les dos ayalgues de la seronda asturiana: la sidra y les castañes.

¡Bon provechu!


Radio Taxi Villa de Jovellanos. Servicios especializaos pa cualquier necesidá

23/07/22

Una ufierta qu’inclúi dende’l taxi turísticu hasta recoyíes y entregues especiales o’l treslláu de mascotes.

Radio Taxi Villa Xovellanos (Los Verdes) ye la mayor cooperativa de taxistes d’Asturies. Una empresa, fundada nos años 80, qu’ufierta a les sos veceres profesionalidá, rapidez, eficacia, garantía y seguridá na prestación de tolos sos servicios tolos díes del añu, les 24 hores. Una peramplia ufierta de servicios, que toma toles necesidaes del usuariu, empezando pol clásicu serviciu de treslláu.

Na so clara intención de siguir creciendo, pensando siempres nos sos veceros, ufierten distintos servicios especializaos como’l taxi turísticu, una manera distinta de conocer los distintos rincones de la ciudá. Tamién cunten col taxi pelegrín, ideal pa aquellos que realicen el camín de Santiago. Cola vuelta al colexu, punxeron en marcha’l taxi escolar, más prácticu que’l tresporte escolar, yá que recueyen al neñu na puerta de casa y dexar nel colexu. Oa facilitar el día ente día de los sos veceros, cunten tamién col serviciu espertador, pidiendo al veceru que los informe d’a qué hora se quieren llevantar y Radio Taxi Villa Xovellanos encargar del restu.

La compañía xixonesa encargar de recoyíes y entregues especiales, dende melecines a maletes o cualesquier otra mercancía, encargándose de faer el treslláu por ti, de la manera más rápida y eficaz. Ufierten tamién un serviciu de treslláu de mascotes, yá que disponen de vehículos preparaos por que’l viaxe de la to mascota sía tan placentero como’l tuyu. Ente la so amplia flota, cunten con vehículos afechos y otros con capacidá pa siete y hasta ocho persones, que los converten na meyor opción por que’l treslláu de grupos a distintos eventos como pueden ser bodes, congresos o escursiones, dexe de ser un problema. El pagu de toos estos servicios puede faese con tarxeta, una y bones tolos vehículos tán forníos por que puedas efectuase dichu pagu. A lo último, cunten con un serviciu a empreses, afechu a cualquier tipu de negociu, coles ventayes de facturación por meses y atención por email


Campaña pa frenar l’adición a les apuestes online

30/6/22

Agora mesmo son un auténticu problema social.

Van impartise talleres dinámicos y participativos a mozos d’ente 14 y 16 años de dellos clubes deportivos pa cavilgar sobre los apuestes nel xuegu y les sos consecuencies.

Per otru llau, el proyectu inclúi’l llanzamientu d’una campaña de sensibilización en redes sociales.

Esti proyectu vien determináu pola medría de los apuestes deportivos y el xuegu online per parte de mozos y adolescentes, teniendo en cuenta la relevancia d’esti períodu de vida pa l’alquisición de vezos y conductes. Nestes franxes d’edá, el desendolcu d’adicciones puede afeutar pernegativamente la capacidá cognitiva y el correutu desendolcu de los mozos y les moces.

Esta campaña refuerza les iniciatives populares entamaes nos barrios obreros de Xixón, col exemplu del distritu oeste y el barriu La Calzada, que s’enllenaron de protestes, campañes y pegadielles escontra esta forma d’ociu que trasiega la salú de tola xente mozo.

La campaña, entamada pol coleutivu-asociación La Rede, tuvo muncha repercusión y algamó la concienciación y el pieslle de delles cases d’apuestes de la zona, magar que’l trabayu ha de ser de fondu.

Poro, van llográndose sofitos pa completar la imaxe de xunidá escontra los xuegos d’azar y les apuestes pa nun hipotecar el presente o el futuru de les nueves xeneraciones.


La necrópolis tumular del Monte Deva

05/06/22

Los anicios de Xixón remóntense fasta polo menos fasta hai 5.000 años.

A finales del sieglu XX escomenzaron les escavaciones nel Monte Deva que revelaron lo que pue ser l’aniciu de Xixón. Fasta la fecha atopóse una necrópolis formada por nueve túmulos funerarios nos montes d’Arquera, Deva y La Olla, toos ellos dientru del calificáu como Parque Natural del Monte Deva, y una cantera de la que too paez indicar que los neolíticos estrayíen los grandes bloques de piedra colos que fueron construyíes dalgunes de les grandes sepultures fai, siquier, 5.000 años.

D’ente los túmulos descubiertos, destaquen los catalogaos como Túmulu III y Túmulu V, que fasta la fecha son los únicos escavaos y analizaos en fondura. Los megalitos tán dataos ente l’III mileniu e. C. y los entamos de la Edá del Bronce, pos presenten estremaes tribes constructives que bazcuyen ente un y otru momentu.

El túmulu III ye l’únicu del más del mediu centenar de túmulos conocíos nes sierres costeres de Xixón, que presenta una cámara parcialmente escavada na roca madre, daqué poco frecuente nos túmulos del cantábricu. La singularidá estructural, les dimensiones y afayos del megalitu dan pie a delles considerancies sobro la so natura cultural y la so correspondencia con sociedaes neolítiques esvalixaes nun territoriu de discreta densidá demográfica, pero con capacidá d’organizsase pa entamar esti tipu d’espresiones artístiques / monumentales.

Tamién esisten muestres tumulares al sur de la Casona de Rato, y nel seutor del Observatoriu de Deva, detectándose esporádicamente la presencia de grandes bloques d’arenisca en delles de les finques de la parte cimera del monte, lo que fai pensar que puedan ser muestres d’arquitectures previes, dientru de l’avezada reutilización moderna de materiales arquitectónicos de dómines pretérites.


Crema de Calabacín

14/05/22

P’aprovechar la temporada d’esta verdura tan rica y sana

    • Ingredientes
      •2 calabacinos grandes /4 medianos
      •1 pataca
      •1 cebolla
      •1/2 llitru de caldu de verdures
      •1/2 llitru de nata
      •Aceite d’oliva virxe estra
      •Pimienta y sal al gustu
  • Ellaboración
    Doremos la cebolla cortada nuna pota con daqué d’aceite, a la que podemos amesta-y una seruga cortada. Dexemos que se poche la cebolla, col fueu suave pa que nun quede demasiao fecha.
    Piquemos los calabacinos, ensin pulgalos.Pulguemos y cortemos les pataques en cachos irregulares. Cuando la cebolla tea pochada, añedimos el calabacín picáu y les pataques a la cazuela. Sofreímos el conxuntu llixeramente mientres unos diez minutos.
    Mientre esi tiempu, seguimos faciendo los ingredientes a fueu suave, amestemos-yos el caldu verdures adulces y dexemos que se faiga too unso 20 minutos.
    Dempués d’esi tiempu, garremos y batims cola batidora, o pasemos el resultáu pel pasapurés.
    Tornemos el puré pa la pota y probemos cómo ta de sal y pimienta. Amestemos la nata pa da-y el toque de crema, suave, ensin la testura fuerte del puré. Si queremos que quede más suave, dexemos cocer 5 minutos más.
    Servimos y ¡a esfrutar!

Xixón sostenible

04/04/22

El Gobiernu garantiza’l so sofitu y les posibilidaes de Fondos de Recostrución pa los proyeutos medioambientales de Xixón

El Secretariu d’Estáu de Mediu Ambiente, Hugo Morán, confirmó’l compromisu del Gobiernu pa dar el so sofitu «ensin dulda dala» a los diversos proyectos del Conceyu Xixón en materia de sostenibilidá medioambiental, xestión del ciclu de l’augua y renaturalización del conxuntu del conceyu.

Coles mesmes, confirmó la sintonía del conxuntu de los proyeutos en cursu o de llexislatura nesta materia coles grandes llínies del Gobiernu y la Xunión Europea, lo que, aseguró, abre «posibilidaes de financiamientu» al traviés de los fondos europeos de recostrución, asina comu a los previstos dende’l Gobiernu español nel marcu del Plan de Recuperanza y afayamientu de la mariña al cambiu climáticu.

Toos ellos intégrense nuna concepción tresversal de la xestión ambiental que pon a Xixón en situación de «ventaya» pa recibir financiamientu pa «proyeutos bien maduros», sigún Morán.

El Secretariu d’Estáu rializó estes afirmaciones demientres una comparecencia nel Salón Municipal de Recepciones enantes de visitar l’ária del ríu Piles y la Depuradora de la Zona Esti al pie de los Direutores Xenerales de Biodiversidá, Montes y Diversificación, los conceyales de Mediu Ambiente y Obres Públiques, responsables de la Empresa Municipal d’Augües, el presidente de la Confederación Hidrográfica del Cantábricu y el Xefe de Demarcación de Mariñes. Amás del percorríu, repasáronse la execución de los proyeutos yá en marcha y la planificación de llexislatura previstos pol Equipu Gobiernu pa reforciar el compromisu cola sostenibilidá medioambiental.


Frixuelos tradicionales

23/03/22

Una receta n’alcordanza del antroxu.

Los frixuelos son ún de los postres típicos del Antroxu asturianu. Queremos recuperar la receta tradicional n’honor del Antroxu que nun foi. ¿Llistos pa la fartura? Ehí va.

Ingredientes
•200 gramos de fariña.
•Mediu llitru llechi.
•4 güevos.
• 2 cuyaraes soperes de zucre.
• Un plizcu sal.
• Rayadura llimón o naranxa.
•Una cuyarina d’anís.

Ellaboración
Batemos los güevos col llechi y amestemos la fariña, ensin que quede demasiao llíquido. De siguío añedimos la rayadura y l’anís. Dexamos dieldar la masa una media hora aprosimao. Removemos y ponemos un sartén a fueu mediu con un pocu aceite o mantega. Damos la vuelta y saquémoslos cuando tean doraos peles dos cares.

Tamién pueden amestase un par de cuyaraes d’aceite a la masa y facer los frixuelos ensin echar más d’ello nel sartén.


Tertulia Les Comadres

22/02/22

Los imperdibles premios de la Tertulia Les Comadres apunten esti añu al machismu na era COVID-19 na so vertiente política. El premiu Comadre d’Oru va pa Mabel Lozano

La Tertulia Feminista Les Comadres, fundada na nuesa ciudá en 1986, ye una de les cabezaleres del movimientu feminista d’Asturies.

Ente les munches actividades y llogros algamaos nos sos 35 años d’hestoria tán les manifestaciones d’El Tren de la Llibertá y los céllebres premios Comadre d’Oru, Felpeyu y Babayu. Estos nun tienen otru envís qu’empoderar les figures femenines y feministes que lluchen pola igualdá d’homes y muyeres, al empar que señalar con nomes y apellíos el machismu qu’entá envelena a la sociedá.

Na edición de 2021 decidieron dar el Comadre a Mabel Lozano, mentes que’l Felpeyu foi pal “Trifachito”, y el Babayu pal anguaño alcalde d’Uviéu, Alfredo Canteli.

El premiu Comadre d’Oru foi concedíu a Mabel Lozano, documentalista, cineasta y escritora, y ta bien afitáu pol enfotu que lleva poniendo tola vida en rescamplar la vida de les muyeres y neñes prostituyíes, y por denunciar col so trabayu la esplotación de la muyer por parte de les mafies de tráficu humanu, la industria pornográfica y la prostitución. Confiesen que «muyeres como Mabel Lozano amplíen el sentíu de la nuesa llucha feminista».

De la mesma mena, el Felpeyu al Trifachito tien l’envís de denunciar la persecución y conderga del movimientu feminista, al qu’acusaron l’añu pasáu de ser práuticamente’l culpable de la tresmisión del COVID-19.

Pesllando los premios, el Babayu foi p’Alfredo Canteli, alcalde d’Uviéu pol PP, que nel caber añu ganó a pulsu mala fama poles sos declaraciones fediondes y machistes alrodiu les muyeres.
Dende Xixón 100% felicitémosles y esperemos poder esfrutar y deprender con elles munchos años más.


¿Qué ye’l propóliu?

01/02/22

El propóliu ye un amiestu resinosu llográu poles abeyes de les yemes de los árboles, exudados de cazumbre o otres fontes vexetales y que depués procesen nel truébanu como sellante de pequeños buecos (6 mm o menos), n’ocasiones entemecíu con cera y pa “barnizar” tol interior del truébanu. Pa buecos mayores, les abeyes usen cera. El collor del propóleu depende de la fonte de la que fuera llográu, siendo’l más común marrón escuro. A temperatura ambiente (20º C), el propóliu ye pegañosu y a temperatures menores solidifica.

La cantidá promediu que pue producir unu truébanu demientres un añu depende de la raza d’abeya, sueli tar ente los 150 y los 300 gr

PROPIEDAES MELECINALES

El propóliu utilizóse tradicionalmente, poles sos propiedaes antispétiques y funxicides, pa tratar diverses infecciones.

Según el National Institutes of Health, el propóliu ye posiblemente efectivu pal tratamientu del herpes llabial (xirpiaura) y pal aliviu del dolor ya inflamación bucal. Tampoco nun hai evidencia abonda de la so efectividá en casos de resfriaos, infecciones, trestornos dixestivos, tuberculosis, úrzules, cáncanu, nin denguna otra enfermedá.

L’Axencia Europea de Seguridá Alimentaria, en revisando los sos efectos, concluyó que nun hai una relación causa efectu ente’l consumu de propólios y la salú respiratoria, actividá antibacteriana, aliviu nel gargüelu, salú intestinal, ayuda al sistema inmunitario, caltenimientu de la salú oral, circulación sanguínea o protección hepática.

El so usu en seres humanos tien de faese con reserva (sobromanera en casu d’intolerancia o alerxa a dalgún de los productos de les abeyes o a -yos mesmes abeyes) y, si nun se ta en condiciones d’alministralo debidamente, preferentemente con encamientu mélicu.


La incorporación del XPS axilizó los servicios de taxi

22/01/22

Les teleoperadoras pasaron a introducir la direición nun ordenador, alxudicándo-yla al vehículu más cercano

Nel añu 2003 lleguen los sistemes de saléu y xeolocalización per satélite (XPS) a los taxis. Fasta esti momentu, les llamaes a la central telefónica distribuyiense de la siguiente manera: recepción de llamada pola operadora, anotación en papel del serviciu a realizar, anunciación per emisora de radiu de la solicitú del serviciu y puya del serviciu por voz pa la elección del vehículu más cercanu al pidimientu del serviciu.

La incorporación de los XPS implicó un cambéu na operatividad y maneres de distribución de los servicios, pudiendo lliberar de la tormentosa emisora de radiu, esaniciando l’usu de voz, pa l’axudicación de servicios. Dende esti momentu, la recepción de la llamada pasa d’escribise en papel a introducila, per parte de la teleoperadora, nun ordenador qu’axudica’l serviciu al taxi más cercanu por aciu un programa de localización pwr XPS, llegándo-y al taxista la dirección por aciu un mensaxe de testu.

Radio Taxi Villa Xovellanos cunta con un de los sistemes informáticos para la xestión de flotes de taxis más avanzáu, el “Auriga Systems”. La potencia y precisión del sistema na busca y asignación erradica, ente otros, los problemes de colapsu y saturación na centralina, rentabilizando y entainando’l trabayu. El so cenciellu furrulamientu facilita que los operadores puedan trabayar col sistema dende’l primer momentu y nuna redolada de trabayu menos estresante.

Dixitalización del serviciu de taxi

Nel añu 2013 danse los primeros pasos pa la dixitalización del serviciu de radio taxi. Esto implica la introducción paulatina, per parte de la empresa, d’internet en distintos procesos como la distribución y recepción de los pidimientos per parte del taxi al traviés d’una tablet o teléfonu móvil. Tou ello con un claru oxetivu: facilitar la vida a los sos veceros.


Escueles deportives

30/12/21

El programa pal cursu 2021/22 inclúi más actividaes y meyora’l planteamientu inclusivu

El programa d’Escueles Deportives 21/22, entamáu pol Patronatu Deportivu Municipal,ufierta 27 actividaes a los centros d’educación primaria y secundaria.

El programa refuerza’l so desendolcu esti cursu col golf y la equitación, deportes que fai accesibles pa tola reciella al marxe de la capacidá económica familiar.

Ufiértense dos nueves actividaes al alumnáu de Secundaria, bailles llatinos y iniciación al entrenamientu de calistenia, alternatives a les opciones avezaes.

Esti programa inclusivu integra a tolos escolinos y escolines con interés pol deporte, cuenta con ayudes públiques y integra actividaes pa persones con discapacidá.

Al igual que’l pasáu cursu 20/21, les entidaes deportives van contar con un protocolu iguáu pol PDM Xixón y otru específicu de cada federación pa protexer la salú de los participantes. Ente les midíes preventives más relevantes p’asegurar la salú de los participantes ta la ratio de 14 persones por monitor, dos feches d’inscripción (ochobre y a la vuelta de Nadal), xornaes téuniques de formación de los monitores y aplicación de les midíes de seguridá avezaes pol COVID-19.establecíes pola Conseyería d’Educación en materia d’actividaes extraescolares.

Nesta edición, como novedá, inclúinse nel programa de les Escueles Deportives siete nuevos planes, colos que se quier averar l’actividá deportiva a la xente menudo.


El Conceyu Xixón potencia’l serviciu d’Ayuda a Casa

26/12/21

El Conceyu de Xixón, al traviés de la Fundación Municipal de Servicios Sociales, potencia’l so serviciu d’Ayuda a Casa, concebíu como un catálogu d’atenciones personalizaes na casa, complementariu con otres prestaciones de los servicios sociales, pa facilitar la continuidá de les persones nel so mediu habitual de vida.

La prestación va dirixida a persones o núcleos familiares que precisen sofitos p’atender la so situación de fraxilidá derivada de discapacidá, de la edá o de la so situación sociu-familiar. Tamién ye una de les prestaciones a les qu’opten la persones que fueron valoraes como dependientes.

Al traviés d’él, apúrrese una serie de sofitos y curiaos de calter personal, domésticu, psico-social, educativu y/o técnicu qu’inclúin el cuidáu y l’atención personal, l’atención doméstica, l’atención intensiva en situaciones d’emerxencia y refuerzu pal cuidador principal dientro y/o fuera del llar, ente otres.

El preciu varía en función de los ingresos de la persona solicitante, pudiendo tar ente’l coste cero y los 15€ la hora, según los criterios de la Ordenanza Municipal Reguladora de Tributos y Precios Públicos Municipales.

Pa más información y ayuda coles solicitudes, contautar colos Servicios Sociales del conceyu Xixón.


Na casa natal de Xovellanos, el célebre retratu del ilustráu pintáu por Goya

24/12/21

El cuadru tuvo espuestu na sala que pensare pa ello Gaspar Melchor.

La inauguración del retratu de Xovellanos énte l’arenal de San Llorienzo, pintáu por Francisco de Goya en 1782, marcó’l puntu central de les conmemoraciones del cincuentenariu del Muséu Casa Natal de Xovellanos.

L’actu inaugural cuntó cola presencia del Presidente del Principáu d’Asturies, Adrián Barbón, quien defendió’l calter de «patrimoniu de toos» de Xovellanos, la so «honestidá intelectual» y el so calter activu y propositivu énte l’Asturies del so tiempu y del futuru. Pela so parte, l’Alcaldesa de Xixón, Ana González, aludió al simbolismu d’un acontecimientu que aúna tolos propósitos del Muséu Casa Natal: la so custodia de la memoria y el legáu xovellanista, la custodia del patrimoniu artísticu municipal y el llabor de divulgación y promoción que se realiza dende’l centru.

L’ampliu y diversu programa de proyectos y actividaes entamaes incide na importancia de la colección y de los trabayos de caltenimientu, estudiu y mediación desenvueltos por esta institución. Ye una mirada a la nuesa hestoria, al tresformamientu y desenvolvimientu d’una colección que se convierte nun muséu abierto y dinámico que tien como oxetivos caltener la nuesa memoria y constituyise nun espaciu abiertu y de referencia pa la nuesa identidá colectiva.

 


 

El Palaciu Deportes, preparáu pa la temporada

23/12/21

L’Ayuntamientu camudó canalones y reparó la cubierta, amás de meyorar la visibilidá de los marcadores.

El Palaciu  Deportes, abrió la nueva temporada con un partíu amistosu ente’l Bilbao Basket y el Breogán de Lugo, equipos d’ACB. Esti partíu sirvió pa comprobar la utilidá de les meyores feches al más altu nivel.

L’Ayuntamientu de Xixón invirtió al rodiu de dos millones d’euros nos caberos años p’arreglar instalaciones ensin bon mantenimientu.

Al cerca de mediu millón d’euros invertíos na piscina d’El Llano, na que se camudó la cubierta y que ta a la espera de camudar el sistema de depuración, súmense agora más de 400.000 euros n’obres y mantenimiento del Palaciu de Deportes, instalación onde los caberos años nun hebo campaña de mantenimientu.

Xixón invirtió 200.000 euros nel cambeu de la cubierta del Palaciu de Deportes, dañada y con goteres sobre la cancha central, que tamién se camudó’l pasáu añu con una inversión de 170.000 euros.

Amás del cambeu de cubierta, camudáronse casi 900 metros de canalones, instaláronse llinies de vida pa la seguridá de los trabajadores que tengan de xubir al techu, llimpiáronse llucernaries y camudáronse dellos focos.

El marcador de la pista central, qu’enantes colgaba del techu, va sustituyise por cuatro marcadores más pequeños, ún tres de cada canasta, y otros dos nes tribunes, de forma que tol mundo tenga ún a la vista en tou momentu.

El Patronatu Deportivu Municipal tien la intención d’alquirir un marcador nuevu nes futures inversiones.


Rollu bonito

22/12/21

Les recetes de tola vida

  • El rollu bonito ye un platu mui socorríu porque puede xintase d’él dellos díes.
    Ingredientes
    •1/2 quilu de bonito
    •50 g de xamón
    •2 güevos normales y 2 cocíos
    •50 g fariña blanca
    •2 cuyaraes de pan rallao
    •2 pimientos piquillo
    •Media cebolleta
    •1 vasu d’aceite
    •2 cebolles
    •4 tomates
    •1 vasu vinu
    •1 seruga
    •Perrexu y sal

Ellaboración
Esmigayar mui menudu’l bonito. Echar nun bol col sal, la seruga, el perrexu, el xamón, los güevos cocíos, los pimientos y la cebolleta picao. Amestar.

Echar el pan rallao y facer dos rollos pequeños o un grande. Rebozalos en fariña y güevu batíu y freir con aceite caliente. Recudir l’aceite y meter na nevera pa qu’enfríen y seyan más fáciles de cortar en rodayes.

Pa la salsa poner un pocu d’aceite nuna pota, picar menudo les cebolles y la seruga, doralos y amestar el tomate picao; sofreír unos 20 minutos. Amestar el vinu y dexar otros 10. Amestar el rollu enteru o en rodayes y dexalo cocer un bon ratín too xunto.

Servilo caldio y esfrutar en bona compañía.


A puntu rematar el Calendariu d’Avientu virtual pa concenxar, educar y deprender en celiaquía

21/12/21

Presones que carecen la enfermedá celiaca, intolerancies alimentarias y alerxes, xuniéronse nuna iniciativa virtual na que tresmiten les sos conocencies para cocinar ensin alérxenos esta Navidá; la sidre ye un de los productos que puen consumir ensin medrana

La empresa especializada nel diseñu y la fabricación de productos pa evitar la contaminación cruciada por alérxenos, Celi&Go Llibertá Ensin Gluten, creó un sitiu online que xune per primer vegada a asociaciones de pacientes, blogueros, influencers y marques de los colleutivos de celiacos. Tamién a persones con intolerancies alimentaries, con alerxes o con Hipotiroidismu de Hashimotu, a quien tamién se -yos encamienta una dieta ensin dellos ingredientes. El calendariu, que tien formatu virtual, pue siguise al traviés de la ueb de Celi&Go.

El calendariu escomenzó a entamos de mes y remata el díi de Navidá. Al traviés d’elli los participantes puen aportar a conteníos de relevancia como charres y conseyos pa evitar la contaminación cruciada, showcookings pa deprender a cocinar productos navidiegos ensin gluten, productos ensin alérxenos, cursos formativos pa conocer les claves del etiquetáu y un llargu etc. Amás tolos díis cellebrarán sorteos al traviés de la cuenta d’Instagram de Celi&Go.

Con esta iniciativa, búscase “alicar l’espíritu de la Navidá” y demostrar la capacidá d’adaptación que tienen los colleutivos de pacientes con restricciones alimentarias. Fasta’l 25 d’avientu, al traviés de la so ueb, podrá aportase a “regalos” en forma de conteníos, recetes, productos y tips para vivir ensin alérxenos.

El Calendariu d’Advientu de Celi&Go Llibertá ensin gluten puede vese pinchando nel siguiente enllaz: https://celiandgo.com/blogue/news/calendariu-de-advientu-2020


Parque arqueolóxicu-natural La Campa Torres

20/12/21

La Campa Torres, que domeña’l distritu oeste de Xixón, ye una ayalga d’asentamientu célticu costeru, el más grande d’Asturies

Nel cabu Torres, a siete kilómetros del centru de Xixón, y nel lladral oeste de la so badea, asítiase’l Parque Arqueolóxicu-Natural de la Campa Torres. Naguráu en 1995, forma parte de los museos arqueolóxicos de Xixón, xuntu coles Termes Romanes de Campo Valdés y la Villa Romana de Veranes, toos ellos dependientes del Conceyu Xixón.

Trátase del asentamientu fortificáu marítimu de mayores dimensiones de tola mariña de los ástures. El so orixe, según los sos investigadores, asítiase nos sieglos VI-V e.C. y tuvo ocupáu por xentes dedicaes principalmente a la metalurxa (cilúrnigos). Darréu, nel sieglu I d.C. foi romanizáu y conocíu poles fontes clásiques col nome de oppidum Noega.

Cola fundación de la ciudá romana de Xixón, a entamos del sieglu II d.C., nel actual barriu de Cimavilla, el castru foi despoblándose gradualmente fasta la so desapaición.

Anguañu, los oxetivos son la proteición, caltenimientu, investigación y espardimientu científicu y didáuticu de los restos arqueolóxicos rescataos nes escavaciones, a la gueta del equilibriu cola redolada na que s’atopen. Dende’l puntu de vista arqueolóxicu, el parque apurre información sobro la protohistoria asturiana y desplica los oríxenes de la ciudá de Xixón. Permítemos conocer el pasu de la dómina céltica a la romana.

La visita
El parque de la Campa Torres tien tres edificios principales: receción, muséu y faru. El primeru ta a la entrada del yacimientu y acueye a los visitantes, amás de que presenta una esposición sobro l’arqueoloxía del conceyu.

El muséu, nel estremu norte del castru, aprovecha en parte un antiguu allugamientu d’artillería de mariña. Cunta con una esposición permanente, sala d’esposiciones temporales, talleres y salón d’actos. Na esposición permanente faise un percorríu pola hestoria del pobláu dende los sos oríxes célticos fasta la dómina romana. Amuésense restos materiales procedentes de les escavaciones asina comu maquetes, testos, reproducciones ya imaxes ilustratives.

El percorríu remata nel Faru del Cabu Torres, costruyíu en 1923. Na planta baxa asítiase una esposición permanente sobro la hestoria d’esti edificiu portuariu, del cabu Torres y del so fondeaderu. Nel pisu cimeru atópase la Biblioteua y Centru de Documentación “Manuel Fernández-Miranda”, asina como la oficina alministrativa del ária d’Arqueoloxía del Conceyu Xixón, dende onde se coordina l’actividá arqueolóxica del conceyu.

Amás, el Parque cunta con un itinerariu arqueolóxicu, un observatoriu d’aves y un mirador con amplies vistes sobro’l puertu d’El Musel y Xixón. L’itinerariu arqueolóxicu escurre al traviés de trece puntos d’observación nos que s’identifiquen los ellementos más significativos del pobláu (fosu, contrafosu, muralla y viviendes).

La coleición

Ta formada por una seleición de los restos muebles alcontraos nel yacimientu del castru, lo mesmo que d’otros allugamientos del conceyu de Xixón, como la necrópolis tumular del Monte Deva, la muralla romana de Cimavilla, el castiellu de Curiel (Peñaferruz) y la villa romana de Veranes. Dalgunes d’eses pieces pued consultase al traviés de la plataforma CER.es (Colecciones en Rede) del Ministeriu de Cultura.

Actividaes y servicios

El Parque ye un llugar d’esparcimientu y cultura nel que se desendolquen diverses actividaes venceyaes a la conocencia y esfrute del padremuñu arqueolóxicu del cabu Torres. Estes iniciatives pretenden llamar l’atención y motivar al públicu sobro’l valor y la necesidá de proteición del padremuñu arqueolóxicu. Asina desendólcse un ampliu programa d’actividaes y servicios empobináu a tolos públicos qu’inclúin visites ya itinerarios, programes escolares, conferencies, xornaes de recreación histórica, concursos de semeyes, espectáculos de teatru, etc.

Centru de Documentación

​​El Centru de Documentación ta abiertu pa tolos usuarios que precisen de la so consulta pa fines d’investigación y estudiu. Tien servicios de Biblioteua, Fototeua y Hemeroteua. L’acesu ye llibre, n’horariu de 9:00 a 14:00 hores de llunes a vienres. Encamiéntase alcordar cita previa al traviés del teléfonu del muséu. El catálogu pue consultase al traviés de la Rede de Biblioteques d’Asturies.

Programes Educativos

Los Museos Arqueolóxicos ufierten diverses actividaes empobinaes a la comunidá educativa del conceyu de Xixón entamaes pol Departamentu d’Educación de la FMCE y UP que s’inscriben dientru del Programa didáuticu sobro’l Padremuñu Arqueolóxicu y tamién ufierten la posibilidá de que los centros concierten direutamente les actividaes didáutiques.


¡Xueves de sidre!

16/12/21

Los Xueves de Sidre con Denominación yeren yá una cita ineludible pa munchos sidreros que nun veíen por qué esperar al fin de selmana pa tomar unos culinos colos collacios al par de la barra y agora que vuelven sentimos que Xixón da un pasu más hacia la“normalidá, ello ye, hacia los díes prestosos de barra, sidre y tapina que tanto s’echaron en falta mientres foi necesario caltener les distancies

La fórmula pa facer los xueves más prestosos y saborguiosos ye cenciella, en Xixón yá va dellos años que la conocen y ponen en práutica: basta con xunir dos de les coses que más mos presten a los asturianos, Sidre con Denominación con bona gastronomía y l’ésitu ta aseguráu.

Los establecimientos participantes, que nesta edición son 31 -bien perbaxo de los alrodiu de 40 d’otres ediciones- tienen tolos xueves del añu a disposición de la so vecería una tapa o cazuelina que sirven a preciu especialmente atractivu (pente los cinco y los diez euros) acompangando una botella con Denominación d’Orixe Protexío.

Nun hai fecha de finalización d’esta promoción y l’únicu requisitu ye que se pueda esfrutar d’ello na barra, siempres que les restriciones sanitaries lo permitan, en casu contrariu permitiráse la consumición en meses.
Les propuestes culinaries que ficieron les sidreríes ciéntrense’n platos tradicionales, de los qu’entren bien cola sidre, como callos, chorizos a la sidre, fégadu encebollao, calamares, tortos con picadillu, cecina, picadillu de gochu asturcelta y güevu, chipirones afogaos… pente otres propuestes tentadores.

Los 21 establecimientos tan espardios per dellos de los barrios xixoneses más sidreros, dalgún d’ellos incluso na periferia de la ciudá.
Ellos son: El Tendido, Hotel Arena, La Mar de Platos, Johy, La Casona de Jovellanos, Sidrería La Montera Picona de Ramón, La Terraza de Porceyo, Sidrería Canteli, Sidrería El Chisqueru de la Algodonera, Sidrería El Restallu, Sidrería El Saúco, Sidrería Gijón, Sidrería Guaniquei, Sidrería La Cabaña del Santu, Sidrería Los Campinos, Sidrería Llagar de Begoña, Sidrería Nueva Uría, Sidrería Río Astur, Sidrería Rubiera, Sidrería Tropical, Sidrería La Nueva Zamorana.

Los entamaores son coscientes de que pue ser complicao ubicar a toos estos chigres, pero nun vos esmolecer, nun hai problema, porque col envís de facilitar l’espardimientu de l’aniciativa ta en marcha una campaña de promoción, con cartelos y pegadielles identificatives nos chigres, asina comu gastromapes cola llocalización y horariu de los participantes que permitan organizar rutes y dir prebando toles opciones.
La información de ca llocal, incluyendo la so xeollocalización y la so respeutiva propuesta pue consultase na páxina d’Otea, que ye, en collaboración con Divertia Xixón ya’l Conseyu Regulador de la Denominación d’Orixe Sidre Protexío, la promotora d’esti eventu. La información tamién ta disponible también na páxina web https://www.escapadaasturias.com/jueves-de-sidra-2021.

P’animar más si cabe a participar, un concursu de Facebook sortea un menú “Reconquista”, compuestu por productos de calidá y del país, nun de los establecimientos participantes na promoción.

Participar nel sortéu d’esti menú ye bien cenciello, hai que sacar una semeya de cualisquiera de les consumiciones demientres xueves de sidre, na que se vea la cazuelina y la botella. Subila en Facebook a la páxina d’Otea, amiestando’l nome del llocal onde se consumió y compartilo col hashtag #JuevesDeSidra. Finalmente, namás queda dar un “me gusta” na mesma páxina de Facebook d’Otea pa entrar nel sortéu y prebar suerte.


Café Bar 180 Grados

14/12/21

la meyor opción pal vermú

Esti café chigre, allugáu en plenu barriu xixonés d’El Llanu y rexentáu, dende va ocho años, por Celso Javier Alenza, ye’l llugar perfectu pa los más madrugadores, aquellos que quieran empezar el día con un bon almuerzu o, a cencielles, con un deliciosu café. La so espectacular terraza, a plenu rendimientu dende pela mañana, conviértese nun llugar de camín obligáu, ideal pa esfrutar, antes de comer, d’un prestosu vermú, acompañáu de dalgún de los sos saborgosos pinchos. Pa los qu’opten por allargar el aperitivo y picar daqué, la so amplia variedá de raciones o les sos esquisites hamburgueses son siempres un apueste seguru.

Gracies al bon faer y al tratu cercano y profesional de tola plantiya, el 180 Graos convirtióse nel meyor sitiu p’axuntase y pasar un ratu prestosu en compañía de familiares y amigos. Nel so interior, totalmente reformáu, los amantes del fútbol puen esfrutar de la so pasión, viviendo los partíos nes sos múltiples pantalles mientres tomen daqué.


La habitación propia, esa llibrería-cafetería que necesitaba Xixón

13/12/21

Les llibreríes-cafeteríes son un modelu de gran aceutación. D’ente elles, destaca La Habitación Propia.

La Habitación propia ye ún de los comercios que perfilen la cai Celestino Junquera, pegáu a la plazuela san Miguel. Sicasí, nun ye un espaciu que pueda inorase. Dende fai más de dos años, ye la llibrería encargada de surtir a la ciudá de Xixón de lleutures femenines y feministes regaes con cafés y tés bien ricos, o pinchos y llambionaes bien prestoses onde siempre hai espaciu pa lo casero y lo vexetariano o vegano.

“La idega d’esta llibrería nació va tiempo. Siempres consideré que yera una bona llectora, prestábame muncho. Pero un díi decatéme de que podíi nomar munchísimos escritores, bonos, malos y mediocres, mentes que nun m’alcordaba d’elles, de les muyeres escritores, porque nun les conocía” cuéntamos Mónica Iglesias (Mieres del Camín, 1969), propietaria y anfitriona d’esti llugar. “Asina que quinxi poner igua. Xuntao cola oportunidá de negociu, entamé a apuntar nomes d’autores nos que repararé y que m’encamentaben presones de confianza. Configuré un espaciu que solucionara esti problema de visibilización, facilitando la gueta a toles y tolos llectores con interés y un mínimu de concenxa feminista”.

Ye esti un espaciu ampliu, presidíu por un mural de Virginia Woolf, como nun podía ser d’otra miente, aú podemos topar sielles normales xunto con butaques y sillones d’estilu inglés; escritorios que faen les vegaes de mostradores de novedaes, aparadores onde s’alcuentren Rosa Luxerburgu, Irantzu Varela, Amelia Valcárcel y Delphine de Vigan con aportaciones de tolos continentes; talameres atarriquitaes que prometen hores d’entretenimientu pa quien tenga vagar d’enamorase de milenta posibilidaes; tamién n’asturianu. Al fondu hai un llugar pa que xuegue y s’entretenga la reciella y les mascotes tamién son bien recibíes (de fechu, la rellaciones publiques, de manera estraoficial, ye Alma, la perrina de les semeyes). De la variedá y multiplicidá de perspeutives, identidaes, llectures, llingües y orixes, La Habitación ye caleidoscopiu afayadizu.

Magar qu’Iglesias diz qu’esta ye una llibrería-cafetería más de les munches otres que tien la ciudá, la so hestoria, intensa, diz otramiente. Nos dos años llargos de percorríu, en La Habitación Propia hebio talleres de pintura, clases d’escritura p’adultos y de yoga pa la reciella, firmes, alcuentros con autores y clubs de llectura que faen d’esti un cuartu propiu, un espaciu seguru d’alderique y d’espresión pa toles presones que caen nelli.

“Presta ver que’l riesgu y l’esfuerciu d’un apueste asina tien reconocimientu públicu y percorríu. Nel postrer añu, toles identidaes feministes que pasen per Xixón recalen equí porque’l boca-oreya a nivel estatal cita La Habitación como puntu indispensable de la ciudá”, sigue Iglesias.

Dempués d’un Díi del Llibru bien profitosu toca mirar a les cites que vienen. Esta ye una de les llibreríes xixoneses que participen na Selmana de les Lletres Asturianes, pero tamién tien, dende la so apertura, un compromisu fiel cola Feria del Llibru y la Selmana Prieta.

Nun vos perder esti requexu con encantu… Au perdese ye la pena más dulce que pue deseyar naide.


Muséu de la Casa Natal de Xovellanos

09/12/21

Símbolu de la cultura reformáu en muséu, esti llugar, piqueñín pero de fondera importancia, axunta delles colleiciones plasmantes

El conceyu Xixón tien la enorme suerte de poder cuntar, dientru la so bayura cultural, cola casa natal de Xovellanos, llugar referencia pal estudiu de la obra d’estos dos hermanos y que podemos aprovechar pa visitar nel mes d’abril. El muséu foi naguráu en 1971 nún de los edificios más emblemáticos de la ciudá: casa-palaciu de finales del sieglu XVI na que nació y vivió l’ilustráu Gaspar Melchor de Xovellanos. La so principal misión consiste nel espardimientu, caltenimientu ya investigación del padremuñu artísticu municipal amás de conmemorar la figura y la obra de Xovellanos.

La visita
L’edificiu qu’alluga’l muséu ye un destacáu exemplu de casona asturiana según modelu vixente ente los sieglos XVI y XVIII. Encadármase en dos torres cuadraes llaterales xuníes por un cuerpu rectangular central con un patiu interior d’accesu a les distintes dependencies. La esposición permanente ufierta un percorríu pol arte asturianu de los sieglos XIX y XX, según una interesante representación de les principales escueles artístiques europees de los sieglos XVII y XVIII. Dos de les sos sales tán dedicaes a Xovellanos, y nelles esponen moblame y oxetos presonales amás de delles pieces de la so colleición artística.

La colleición
El muséu caltien la colleición artística de conceyu compuesta por más de 3.000 obres, ente pintures, escultures, dibuxos, grabaos, ilustraciones, fotografíes y obres en nuevos soportes. Na so formación y desendolcu tienen singular importancia les donaciones y llegaos efeutuaos por colleicionistes y artistes llocales, ente los que destaca Alberto Paquet, el matrimoniu Lledó-Suárez, Julia Alcayde y, en dómina más recién, Antonio Suárez o Rubio Camín. pue vese una seleición de pieces na Rede Dixital de Colleiciones de Muséu d’España. www.CER.es

Pintura
La colleición de pintura asturiana ta fecha col enfotu d’axuntar obres sinificatives de los artistes que, dende’l sieglu XIX a l’actualidá, nacieron, vivieron o tuvieron rellación cola nuesa ciudá y que, en distintu grau, algamaron proyeición nacional. Ello permite ufiertar un percorríu polos principales estilos imperantes nel panorama artísticu, dende’l romanticismu fasta les distintes concepciones de la modernidá.

Escultura
La colleición escultórica sofitar en dos artistes representativos de la evolución del xéneru en distintos momentos. D’un llau Sebastián Miranda y el so Retablu del Mar, y d’otru José María Navascués. Alrodiu estes dos figures, toa una serie d’artistes que, como Amador o Rubio Camín, fixeron de la escultura’l so principal mediu d’espresión.

Dibuxu ya illustración
L’orixe del muséu ta na colleición de dibuxos y bocetos qu’axuntó Xovellanos y que foi destruyida demientres un episodiu de la guerra civil. Siguiendo l’espíritu de la colleición xovellanista, fueron incorporando dibuxos de la mayor parte de los artistes representaos na colleición. Nos caberos años emprestóse especial atención a la illustración y el diseñu gráficu.

Fotografia
La colleición de fotografía del Muséu Casa Natal de Xovellanos ta especializada nos autores qu’utilizaron esta téunica como mediu d’espresión artística, dende pioneros como Arturo Truán, fasta creadores asturianos de dómina más recién como Gonzalo Juanes o Cuervo-Arango.
Artes industriales
La colleición axunta un destacáu conxuntu de pieces sacaes de la fábrica de vidrios “La Industria” y de la de lloza “L’Asturiana”, principales manufactures instalaes en Xixón demientres gran parte de los sieglos XIX y XX.

Fondu documental y bibliográficu
Esti fondu axunta documentación rellacionada cola figura de Gaspar Melchor de Xovellanos y cola colleición permanente.
Amás caltiense un nutríu Arquivu d’Artistes compuestu por documentación de diversa índole xenerada per caún d’ellos nel ámbitu de la so actividá creadora.

Actividaes y servicios
Los Museos de Belles Artes desendolquen un ampliu programa d’actividaes dirixíu a tolos públicos dientro del cual inclúinse la rialización d’esposiciones temporales, programes educativos pa centros d’enseñanza, talleres infantiles y familiares, visites empuestes, itinerarios, cursos, ciclos de conferencies, conciertos y otros programes específicos.
Nel marcu del Plan de Museos Sociales prográmense actividaes y proyectos empobinaos a atender les necesidaes específiques de los estremaos colleutivos, en collaboración con entidaes y asociaciones locales: visites con audiodescripción y con ILSE, Museos pa la integración, destináu a la población migrante y visites y talleres diseñaos pa tol mundiu.


Tortos de maiz

08/12/21

Una receta oriental pa esfrutar con productu de casa

Los tortos de fariña de maíz mariello son una de les delicies del oriente asturianu. Magar qu’avecen xintase pal tardíu (seronda),  suxerimos aprovechar la temporada de les pites ponederes y facelos con güevos de casa o ecolóxicos.

  • Ingredientes
    •250 g de fariña maíz
    •60 g de fariña blanca
    •240 ml d’agua tebio
    •Un plizcu sal
    •Aceite d’oliva virxe estra
    •Güevos caseros
  • Ellaboración
    Nun bol echemos los ingredientes pa la masa de los tortos. Amestamos les farines, el sal y l’agua, adulces, a midida qu’amasemos. Trabayamos la masa, fasta consiguir una consistencia ensuga que mos apegue, mui llixeramente, a les manes. Dexemos dieldar delles hores.Separtiemos en boles al gustu, que vamos apandar ente dos plásticos de cocina o un trapu. Calecemos l’aceite hasta qu’entame a borbolliar, y doremos los tortos.Damos la vuelta, recudimos y ponemos nuna bandexa, freimos los güevos y ¡a esfrutar!

 


L’Home les caparines, novela de Blanca Fernández

07/12/21

La yerbata Blanca Fernández, novelista más moza n’asturianu

La primer novela de Blanca Fernández, escritora yerbata de 27 años, aportó nel mes de mayu pa renovar la lliteratura n’asturianu.

Fernández, que ye la ganadora del I Premiu Radagast de Novela Fantástica, Ciencia Ficción y Terror, lleva la corona de novelista más moza de les Lletres Asturianes dende qu’espublizó L’home les caparines (Radagast, 2021. 12 €). Pero nun son los únicos éxitos que puede contar nel so palmarés.

La lliteratura n’asturianu tien un gran númberu d’homes qu’espublicen davezu; sicasí, les muyeres escritores nun producen tanta narrativa. Asina, na42 Selmana de les Lletres Asturianes, los llectores na llingua llariega acudieron a les llibreríes col envís de topar la primer novela de Fernández. Tal foi l’ésitu qu’escosaron gran parte de los llibros disponibles pa la fecha y, según l’editor de Radagast, Nicolás Bardio, “más de la mitá de la edición ta distribuyida y vendida”. Poro, nun ye una llocura apuntar que Fernández, col so estrenu, ye tamién una escritora best-seller.

L’home les caparines ye, en pallabres de la so autora, “una novela que garra de realismu máxicu, “anque dalgunos dícenme que ye más de fantasía o de terror, que fala de les lleendes qu’hai nos pueblos y la superstición”, toes elles llendes que queden enanchaes con esti nuevu aporte y un futuru, el de Blanca Fernández, que promete dar de qué falar.


TRT, cabezaleros del Punk’n’roll asturianu dende Xixón

06/12/21

Esta banda vien revolucionando’l panorama musical estatal dende qu’asoleyaron el so EP Real Asturian Punk’n’Roll

Poques vegaes hai nes que dar con un auténticu españíu musical nel panorama asturianu, y qu’amás seya tan de casa, tan xixonés, con mires al ritmu d’altor internacional pero calteniendo’l sellu d’autenticidá y de personalidá.

TRT ye una banda de Punk’n’Roll surdía nel 2013 en Xixón como resultáu de la ruptura d’otru grupu de streetpunk nel que taben dos de los miembros d’anguaño, Nacho y Manu. Magar que la so formación yá tuvo delles modificaciones, ye amás un grupu mozu que tien un estilu nelque primen los ritmos aceleraos, pesaos, con riffs ellaboraos y voz frañía. “Queríemos amestar el streetpunk y el high gain, pero tenemos gustos mui destremaos que siempre aporten nueves notes, polo que colos años creemos una etiqueta propio, el Punk’n’Roll, qu’amesta toes estes referencies”, cuenten.

Les sos sigles, amás, nun tán puestes a lo xo: “TRT vien de The rootless tree (l’árbol ensin raigaños), porque la tierra pa esi árbol ye una sociedá apodrecida y corrupta, na que nun queremos ser parte”, dicen con enfotu.

Les sos canciones tán toes n’inglés pola mor de les influyencies estauxunidenses, magar que tienen dalgún canciu n’asturianu y siguen componiendo los nuevos temes na llingua llariega, que siempre entama toles sos comunicaciones oficiales “porque ye marca de la casa”. De fechu “xugar a adautar un estilu tan marcao polo yankee cola métrica y la prosodia del asturianu da una sonoridá perprestosa”, dicen los sos miembros.

Esta banda carauterízase por un llau reivindicativu dafechu, con composiciones de calter feminista, críticu y ácidu, qu’enraigona (anque seyan l’árbol ensin raigaños) cola so conceutualización, lo que da una coherencia redonda. Con tintes histriónicos, sí, pero non por ello hai que tomalos a broma.

TRT tien un direutu bien potente, nel qu’amuesa un soníu auténticu y cargáu de brutalidá decibélica que nun dexa a naide nel sitiu, yá seya pa facer pogos o pa quedar clisaos y clisaes delantre del so escenariu. Pero si hai daqué polo que se carauteriza TRT son los sos ritmos vertixinosos, de los que son bon exemplu’l so EP y los numberosos recopilatorios del punk asturianu nos que participaron en toos estos años. Ye entós cuandu nun sólo ufren un soníu más rotundu que n’estudiu, sinon que la fuercia y l’adrenalina cola que sal a tocar la banda ta dando munchu de qué falar perdayuri. Tienen compartío escenariu con munches bandes comu The Baboon Show, Crisix, Escuela de Odio, Los Carniceros del Norte, The Hellfreaks, The Silver Shine, Deadyard, Skontra, The Black Jaw, o The Diesel Dogs.

Dende que sacaron el so EP “nun paremos de rodar, anque l’andanciu forzó la cancelación de feches de la nuesa xira y cuesta qu’arranque otra vuelta’l circuitu musical y cultural”. Anque yá tuvieron per Galicia, Euskadi, Madrid, y Cataluña, quéda-yos munchu ritmu por soltar.

TRT son Nacho Martínez (guitarra y voz), Mikel Gómez (baxu), Gabri Quintana (guitarra y coros), Manu Feito (batería) y Anzu Fernández (lletrista).


Campaña #Polasalúmental de Banky Astur

05/12/21

Banksy Astur, artista y activista asturianu qu’entamó n’avientu la campaña “Pola Atención Primaria” pa recaudar fondos a tal fin cola venta de calendarios de les sos intervenciones céntrase agora na salú mental.

El Banksy asturianu sácanos una sorrisa coles sos intervenciones de cartelos y lletreros de destremaes poblaciones asturianes. “Naces, creces, te reproduces y Mieres”, “Turón de Suchard”, “Llanes Joplin”, “Tolivia Newton John” y munches otres ocurrencies decoren, dende va años, la nuesa xeografía.

Sicasí, aparte de la so vertiente artística, reivindica tamién dende les sos redes sociales custiones destremaes, como la solidaridá colos refuxaos y colos inmigrantes en Ceuta, la violencia de xéneru, custiones de toa triba.

Agora toca’l turnu a les enfermedaes que nun se ven cola campaña “#polasalúmental”. Asina, dende’l 10 de xunu, Banksy Astur va facer charres al traviés del so perfil d’Instagram con destremaes profesionales y activistes al rodiu d’estos temes.

Abre’l turnu esi día a les 19:30 la psicóloga Paula Marín, especializada en violencia de xéneru y activista en redes, con una intervención que tien por títulu “Salú mental y capitalismu. Sálvese quien pueda, pero, ¿quién pue salvase?”.

 


Curuxa, serviciu de Bus

04/12/21

La Empresa Municipal de Tresportes Urbanos de Xixón cunta con cuatro llínies de bus curuxa, asina como paraes antiacosu.

Los servicios bus curuxa y paraes antiacosu tan disponibles les nueches de los vienres y sábados fasta les 02:00 de la madrugada.

Estes paraes a demanda van poder ser utilizaes poles usuaries de les llínies curuxa que viaxen soles.

Tendrán d’avisar del llugar nel que deseyen baxase con una parada d’antelación, y va ser el conductor o conductora del autobús quien busque’l puntu más averáu onde parar con seguridá.
La baxada del autobús va facese pela puerta delantera, nun tando permitida la xubida de nenguna persona nesti tipu de paraes.

Les paraes a demanda tienen como oxetu amenorgar la distancia a destín, contribuyendo asina a menguar el mieu y vulnerabilidá que puen llegar a sentise nestos trayeutos. La iniciativa, mui solicitada nos caberos años poles asociaciones y coleutivos de muyeres de la ciudá, punxérase en marcha en febreru del 2020, quedando suspendida tres la declaración del estáu d’alarma.

El Conceyu de Xixón, al traviés de la Direición Xeneral d’Igualdá, retomó la evaluación que se venía faciendo sobro’l serviciu de paraes antiacosu.

Ta rializándose un analís del númberu y la frecuencia de les paraes solicitaes, de les llínies curuxa nes que son más riquiríes y del númberu de muyeres que faen usu d’elles.

Los datos van sirvir pa facer un mapéu de la ciudá dende la esperiencia de les muyeres, incorporando, d’esta mena, l’enfoque de xéneru na configuración de la ciudá.

 


Bollinos preñaos

04/12/21

Receta típica de les fiestes de prau qu’habríen entamar

Los bollos preñaos son ún de los alimentos más humildes de la cocina asturiana. Anguañu, anque nun heba fiestes de prau, covien recordar una receta bien polivalente.
Ingredientes
•500 g de fariña pan
•1300 ml d’agua
•10 g sal
•20 g formientu
•300 g chorizu asturianu

Ellaboración
Ponemos nun concu la fariña, el sal y el dieldu bien amestaos. Incorporemos l’agua mentes amasamos bien. Cuando ya tea fecho la masa, ponemos na zona de trabayu amasemos al aire (llevantando y dexando cayer la masa pa que garre aire) fasta que tea firme y manexable. Cuando acabemos, dexalo reposar untao en daqué d’aceite y cubierto con un trapu una hora.
Coyemos bolines d’unos 50 g de masa, ponemos un cachu chorizu y pesllamos. Repetimos fasta acabar la masa y el chorizu.
Poner a cocer en fornu, precalentáu, a 220 graos ensin aire unos 20 minutos. Sacar cuando tean cocíos y dexar enfrescar.


Muséu Nicanor Piñole

03/12/21

Axúntense nesti muséu obres variaes, asina como oxetos presonales del pintor.

Nicanor Piñole ye una figura clave del impresionismu asturianu que, gracies al poder de la so mirada, guardó pa siempres nos lienzos escenes d’una guapura inescaecible, dende l’individuu fasta’l pueblu y les sos tradiciones. Dende Xixón 100% queremos convidavos a conocer y recuperar la obra d’esti gran xixonés, pieza clave de la Escuela de Xixón que, magar el so percorríu per España y per Europa, Londres, París, enxamás nun arrenunció a les fondes impresiones que dexó’l so país, Asturies, en sigo mesmu.

El Muséu foi creáu en 1991 pa acoyer la colleición de pintures y dibuxos que la vilba de Nicanor Piñole, Enriqueta Ceñal Costales, donó a la ciudá de Xixón. La so misión principal ye l’estudiu, caltenimientu y espardimientu de la obra d’esti artista, un de los principales responsables de la renovación de la pintura asturiana nel primer terciu del sieglu XX.

La visita

El muséu ta allugáu nel antiguu Asilu Pola, un edificiu d’estilu eclécticu, diseñáu en 1903 -1904 por Luis García Bellido y construyíu por Miguel García de la Cruz. La esposición permanente presenta una amplia selección d’olios, bocetos, apuntes y dibuxos de Nicanor Piñole (Xixón, 1878-1978), siguiendo criterios cronolóxicos y temáticos. Al pie de les obres más relevantes de la so carrera artística, espónense oxetos presonales y una amplia selección dibuxos qu’ufierten una visión intimista del artista y de la so redolada familiar.

La colleición
El fondu del muséu integra la colleición donada pola vilba del pintor y los depósitos del Muséu Casa Natal de Xovellanos, Muséu de Belles Artes d’Asturies y Muséu Nacional Centru d’Arte Reina Sofía.

Dientru la collección atópense representaos tolos xéneros que Piñole cultivó a lo llargo de la so dilatada trayeutoria artística, la semeya, fundamentalmente autorretratos y semeyes familiares, el paisaxe, les naturaleces muertes y les escenes de calter costumbrista, temática na que trata de forma orixinal y renovadora el paisaxe y paisanaxe asturianos.
Un aspeutu destacáu de la colleición del muséu son los más de cinco mil dibuxos, bocetos, apuntes, diseños de cartelu, illustraciones, etc. qu’apurren les claves fundamentales pa interpretar el procesu creativu d’esti artista de marcada vocación realista.

La colleición pon de manifiestu la mayestría del artista na semeya, xéneru que cultivó a lo llargo de tola so carrera artística. Los más de trescientos autorretratos, amás de les semeyes de la so madre y otros miembros de la so familia, destaquen pola captación psicolóxica de los modelos y pola delicada mirada que proyeuta sobro los mesmos.
Puede vese una esbilla de pieces na Rede Dixital de Colecciones de Muséu d’España. CER.es

Oxetos presonales

El muséu cunta de la mesma con una serie d’oxetos presonales del artista ente los que destaquen los sos preseos de pintura, les medalles y reconocencia que recibe a lo llargo de la so carrera, l’arquivu fotográficu de la familia, la so biblioteca y el moblame de la so casa.

Actividaes y servicios

Los Museos de Belles Artes desendolquen un ampliu programa d’actividaes dirixíu a tolos públicos dientru del cual inclúin la realización d’esposiciones temporales, programes educativos pa centros d’enseñanza, talleres infantiles y familiares, visites guiaes, itinerarios, cursos, ciclos de conferencies, conciertos y otros programes específicos.

Nel marcu del Plan de Museos Sociales prográmense actividaes y proyectos empobinaos a atender les necesidaes específiques de los estremaos colleutivos, en collaboración con entidaes y asociaciones llocales: visites con audiodescripción y con ILSE. Museos pa la integración, destináu a la población migrante o El muséu escontra l’escaezu, un programa de visites y talleres diseñaos pa presones con deterioru cognitivu leve.

Centru de documentación Antonio Martín

Venceyáu a los Museos de Belles Artes, ta especializáu en dos áries temátiques: la figura de Xovellanos y la hestoria del arte, emprestando especial atención a la pintura y escultura de los sieglos XIX y XX y al arte asturianu.

Integráu por más de 74.000 referencies, ta dirixíu a investigadores, estudiantes y usuarios polo xeneral, interesaos poles materies de los sos fondos.
La seición que denominamos “Arquivos d’Artistes” axunta tola documentación xenerada polos artistes asturianos nel desendolcu de la so actividá creadora. Venceyáu a esti programa alcuéntrase tamién el fondu documental y gráficu rellacionáu con Nicanor Piñole.


El Ciares en primera

03/12/21

El Ciares, esi equipu de barriu, humilde, lluchador y asturfalante ye un referente en tolos ámbitos mentaos. Pero dende entamos de mayu, acompaña la so grandeza un cambiu de categoría, dao qu’algamaron l’ascensu a Segunda RFEF xugando n’El Entregu. En casa, pero un pocoñín más lloñe.

L’equipu dirixíu por Pablo Busto remató la increyible temporada 2020-21 escontra’l Nuevu Nalón con un 0-2, la victoria más importante de los sos 70 años d’hestoria. Los teyeros tuvieron un xuegu efeutivista, con un córner rematáu a portería por Aitor Cañedo enantes de mediar la primera parte. El segundu gol, firmáu pol capitán Juan Carlos, pieslló un partíu marcáu polos bastiazos que regaron les pasiones de dambos equipos, con vínculos afeutivos nes dos bancaes pol pasáu de dellos xugadores tanto nel equipu entreguín como nel xixonés.

L’afición teyera, qu’agotó les 120 entraes remitíes pa la venta, fízose notar pente la rexedá de los y les seguidores del equipu de Samartín del Rei Aurelio, algamando’l cielu con esta victoria.

¡Puxa Ciares!

 


Xixón Igualitariu

02/12/21

El Serviciu de Polítiques d’Igualdá ye la referencia d’asesoría xurídica, psicolóxica, económica y formativa detrás de feches como’l Díi de la Muyer o la Escuela Rosario Acuña

Coles mires de promover una ciudá más igualitaria y d’erradicar toa discriminación pola mor del xéneru, la Oficina de Polítiques d’Igualdá ye’l serviciu del conceyu que so la Direición Xeneral d’Igualdá de muyeres y homes ta encargada de diseñar, desendolcar y coordinar les actuaciones empobinaes a promover la igualdá rial y efeutiva ente muyeres y homes nel conceyu y na mesma casa conceyu de forma tresversal.

El Serviciu del conceyu d’Igualdá tien dos seiciones, la xurídica (CAM) y la d’igualdá.

Centru Asesor de la Muyer (CAM)

Cola cuenta de facilitar que les muyeres garren concenxa de los sos derechos y puedan exercitalos, contribuyendo a facer efectivu’l principiu d’igualdá d’oportunidaes ente muyeres y homes, ufiértase asesoramientu xurídicu y psicolóxicu dende’l CAM. Tamién s’inclúi un llistáu de Victimes mortales de violencia de xéneru del añu en cursu.

Programes y proyeutos d’Igualdá

Coles mires y lde promover la igualdá efeutiva ente muyeres y homes nel Conceyu, desendólquense programes que van empobinaos a destremaos ámbetos: centros educativos y alumnáu de distintes etapes, Vocalíes de la muyer del movimientu asociativu vecinal y tamién al texíu empresarial del conceyu y muerganizaciones sociales.

Campañes de sensibilización

Cola cuenta de concenxar y sensibilizar a la población en xeneral, entámense y desendólquense aiciones específiques en feches clave como’l 22 de febreru, el 8 de marzu o’l 25 de payares.
Arriendes d’ello, cualisquier circustancia puntual supón una oportunidá dende la que sensibilizar socialmente al conxuntu de les y los xixoneses, con vistes a la igualdá.


Picatostes tradicionales

02/12/21

Una receta que nun puede faltar.

Los picatostes son ún de los postres y les llambionaes más prestoses d’estes primeres selmanes de primavera. Por si acasu nun tienes la receta, dexéámoste una perafayadiza pa qu’endulces estos díis de descansu.

Ingredientes
•1 barra pan duru
•1 llitru lleche
•1 caña canela
•Corteya d’un llimón
•4 cuyaraones de zucre
•3 güevos
•Aceite d’oliva virxe

Ellaboración
Cortemos el pan en rodayes que ponemos nuna fonte. Batemos los güevos nun concu. Nun cazu ponemos el llechi cola caña canela, les 4 cuyaraes soperes de zucre y la corteya de llimón. Cuando ruempa a ferver retiramos del fueu y echémoslo sobro’l pan; dexamos unos minutos pa que’l pan garre tol llechi y los arumes. Ponemos un sartén con aceite d’oliva virxe nel fueu. Cuando tea caldio pasemos el pan pol güevu y tostamos nel aceite fasta que tea dorao. Sacamos y ponemos nun platu con papel de cocina p’absorber l’escesu d’aceite.


Hogar Bendito

02/12/21

Hasta’l 31 d’avientu de 2022. ESPOSICIÓN

La Casa de los González de la Vega (1757) ye una casona solariega treslladada al espaciu del muséu nos años setenta del sieglu XX.

Dispón na so planta baxa d’una capiya que caltien dellos elementos arquitectónicos propiu de les mesmes, como’l dintel llabráu de la entrada y la pileta d’agua bendito. Nesta capiya’l muséu amuesa una esposición permanente dedicada a la relixosidá, na que’l públicu visitante puede contemplar toos aquellos oxetos que, na tradición asturiana, utilizáronse como elementos protectores de la casa, la familia y el ganáu: amuletos, cruces, detentes, estampes…

Entrada de baldre.


Asturies en 3D

02/12/21
MUSÉU DEL PUEBLU D’ASTURIES
Fasta’l 31 d’avientu.
Audiovisual en 3D qu’amuesa 114 fotografíes estereoscópiques tomaes ente 1891 y 1936. Les fotografíes, tomaes en destremaos ámbitos de la nuesa rexón por una serie de fotógrafos aficionaos, enseñen la vida d’Asturies naquellos años: vistes de ciudaes y villes, interiores de cases, el trabayu nel campu y la industria, pueblos y paisaxes, mercaos y romeríes, carreteres con coches de caballos y los primeros automóviles, estaciones de ferrocarril y trenes, los puertos de mar, el bañu na sablera, etc.
Gracies al relieve de les imaxes en 3D, l’espectador tien la sensación de treslladase a otru tiempu y a otros espacios, y somorguiase nel pasáu.
Actividá de baldre


Contaminación Xixón Oeste

01/12/21

El plan del aire pa la fastera oeste obliga a ArcelorMittal a priorizar la inversión nel sínter B secundariu

El plan d’aición al curtiu plazu pa l’amenorgamientu de los niveles de partícules en suspensión na atmósfera de la fastera oeste de Xixón, inclúi ente les sos midíes l’adelantu a 2022 de la inversión pa la instalación d’un nuevu filtru nel sínter B secundariu d’ArcelorMittal.

La midía, tal que desplicó’l conceyal de Mediu Ambiente, Aurelio Martín, na Comisión de Seguranza, Movilidá y Mediu Ambiente cellebrada’l 23 de marzu, respuende a les conclusiones del estudiu realizáu pola consultora Troposfera. Esti estudiu establez que de les emisiones procedentes de los dos sínter de la fábrica de ArcelorMittal en Veriña (con dos focos d’emisión caúna), son les del sínter B secundariu les que mayor influencia tienen nos niveles de partícules PM10 rexistraos na zona del Lloredal.

Esta ye la razón pola que’l Principáu d’Asturies decidió obligar a la empresa a adelantrar la inversión, prevista primeramente pa 2024, pa lo que va dar en realizar d’oficiu’l cambéu na Autorización Ambiental Integrada de la istalación.

D’esta miente, priorízase la inversión nel sínter B secundariu respectu al primariu, que se va facer en 2024, al ser el focu más contaminante y al allegar la empresa la inviabilidad d’acometer los cambeos nos dos circuitos de forma simultánea como yá asocediera nel sínter A.

Una vegada aprobáu’l plan per parte del Principáu, el Conceyu trabaya agora nel borrador del protocolu específicu d’actuación n’episodios de contaminación del aire pa la zona. va someter a información pública nun mes y, en siendo aldericáu colos grupos políticos en Comisión, va aprobase la Xunta de Gobiernu nun plazu de trés meses.


Los Asturianos en la cocina. La vida de siempre en Asturies (1800-1965)

01/12/21
MUSÉU DEL PUEBLU D’ASTURIES

Esposición avierta fasta’l 30 d’avientu

Esta esposición permanente del Muséu del Pueblu d’Asturies presenta la vida de los asturianos y la so evolución nos dos últimos sieglos al traviés del espaciu más relevante de la casa: la cocina.

Un espaciu esencialmente femenín, na cocina trescurría gran parte de la vida doméstica. Ye por ello que la cocina y la dote doméstica cunten munches coses sobro los asturianos: la so actividá económica, los sos gustos ya intereses, los sos cambeos na alimentación, les sos diferencies sociales y la so manera d’encarar la vida.

Una esposición pa repensar la socialización.

Actividá de baldre.


Muséu de la Ciudadela de Celestino Solar

01/12/21

Referencia pa quien quier conocer de primera man la hestoria del Xixón obreru, humilde y lluchador

La Ciudadela de Celestino Solar presenta un de los modelos de vivienda obrera esistente n’Asturies. Les ciudadeles fueron habitaes pola clas obrera xixonesa a finales del sieglu XIX y demientres gran parte del sieglu XX. En Xixón llegaron a documentarse más de doscientes ciudadeles, siendo la más representativa la de Celestino Solar. Costruyida en 1877 na cai Capua, taba formada por 23 cases y permaneció habitada frmientres más d’un sieglu. La Ciudadela de Capua, como tamién se-y conoz, foi costruyida pol indianu Celestino Cortil nos tarrenes del Enanche d’El Arenal, nun cortil interior.

Les viviendes que la componen siempres tuvieron ocultes a la vista dende la cai. Ente 1880 y 1890 dientru d’un muriu y, a entamos del sieglu XX, tres la construcción de los edificios qu’anguañu la arrodien, nel interior d’un patiu vecinos al que s’aportaba pel mesmu pasiellu que güei da entrada al Muséu. Más de cien vecinos compartieron espaciu y vida nesti patiu xixonés.

La Ciudadela foi nagurada como muséu en 2003 y, dende 2018, cuando abrió de nuevu les sos puertes con una museografía anovada dafechu. Como testimoniu de la Revolución industrial que ye, forma parte del ária de Museos Industriales de la Fundación Municipal de Cultura, Educación y Universidá Popular de Xixón, xuntu col Muséu del Ferrocarril d’Asturies.

La visita

El muséu ocupa’l mesmu espaciu de l’antigua ciudadela de Celestino Solar. El so oxetivu principal ye interpretar y desplicar, de magar l’espaciu d’habitación, les condiciones de vida de la clas obrera xixonesa y asturiana dende los entamos de la Revolución industrial, nel postrer cuartu del sieglu XIX, fasta les décades caberes del sieglu XX. La esposición permanente cuenta con cuatro unidaes temátiques distintes, y desplica quién foi la familia propietaria de la ciudadela, cómu evolucionó dende la so costrucción al so total desallugu y quién les presones que la habitaron. Amás pue visionarse un audiovisual onde antiguos inquilinos cunten la so esperiencia vital nel patiu de Capua. Les distintes seiciones del muséu distribúinse de la siguiente manera.

Patiu grande

Asina denominaben los vecinos a esta zona de confluencia social, convertida anguañu nun espaciu axardináu.

Caltien los murios mayestros de les antigües viviendes, restos del suelu orixinal y uno parte del muriu que cerraba la ciudadela nel momentu de la so construcción, a finales del sieglu XIX. Nelli dispunxéronse una serie de paneles que contestualicen la revolución industrial asturiana y xixonesa y el problema de la vivienda obrera.

Patiu pequenu

Nelli ta reconstruyía una filera viviendes y los aseos d’usu comuñal correspondientes a esti patiu.
Na primera les cases, con moblame y oxetos orixinales de la dómina, recreáronse les condiciones materiales de vida na ciudadela nes décades de los trenta y cuarenta del sieglu pasáu. El restu del les viviendes rehabilitaes utilícense como esposición permanente, sales d’esposiciones temporales y d’actividaes, respeutivamente.

 

 

XIXON 100

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies