-
Chiari n’Asturies: una asociación con 78 socios reclama diagnósticos más rápidos y atención integral
ChySPA, creada en 2010, denuncia que dalgunes persones tarden ente trés y cinco años —o más— en poner nome a la so patoloxía y reclama atención multidisciplinar. La asociación señala que nun hai un rexistru asturianu de pacientes y que lleva años esperando la culminación d’un protocolu nel HUCA. -
El TSXA confirma la perda del paru d’una muyer que permaneció unos 70 díes en Rumanía ensin comunicalo al SEPE
La sentencia confirma la estinción de la prestación y la devolución de 1.328,57 euros. El tribunal acepta que’l viaxe inicial pola enfermedá de la madre podía tar xustificáu, pero considera determinante que la beneficiaria permaneciera fuera d’España ensin comunicar la salida nin solicitar autorización al SEPE. -
La privatización sanitaria medró un 95,8% n’Asturies dende 2014, según la FADSP
El XII informe de la Federación de Asociaciones para la Defensa de la Sanidad Pública asitia Asturies con 22 puntos sobre 34 nel so índiz de privatización, al nivel d’Euskadi y per debaxo de Madrid, Baleares, Cataluña y Canarias. Lo que destaca’l documentu nel casu asturianu ye la evolución: un aumentu del 95,8% dende 2014 y una aceleración nos últimos trés años. -
Pezós inagura una bodega comunitaria pa dar futuru al so vinu y al mediu rural
El conceyu pon a disposición de los pequeños productores maquinaria y espacios que difícilmente podríen asumir de manera individual, recuperando una idega fondamente enraigonada na tradición rural asturiana: compartir recursos y collaborar pa facer viable lo que, por separao, resultaría más difícil o a cencielles imposible. Pesoz vien d’estrenar la primer bodega comunitaria pública d’Asturies, […] -
La Coordinadora informa d’un nuevu espediente sancionador a HUNOSA polos vertíos del Pozu Mosquitera al Candín
La organización ecoloxista asegura que la Confederación Hidrográfica del Cantábricu-y comunicó l’entamu d’un nuevu espediente contra HUNOSA por vertíos d’agües residuales del Pozu Mosquitera, en Siero. El censu oficial de vertíos confirma que la empresa tien autorización pa un drenaxe mineru de hasta 1,19 millones de metros cúbicos al añu al ríu Candín, con llendes d’emisión que tienen de respetase. -
Les families de víctimes llaborales reclamen que les ayudes nun dexen fuera casos anteriores a 2025
El colectivu valora que’l Principáu tramite ayudes de hasta 72.000 euros pa families de persones fallecíes nel trabayu, pero pide criterios claros pa los accidentes anteriores al 1 de xineru de 2025. Reclama definir qué se considera un casu xudicializáu, cómo se mide la vulnerabilidá y qué compatibilidá va haber con indemnizaciones y seguros. -
L’alquiler medra un 6,9% n’Asturies y Xixón yá roza los 13 euros por metru cuadráu
El Índiz Inmobiliariu de Fotocasa asitia’l preciu mediu del alquiler n’Asturies en 12,23 euros por metru cuadráu al mes nel tercer trimestre, un 6,9% más que va un añu. Xixón encabeza los conceyos analizaos con 12,91 euros, per delantre de Castrillón y Uviéu. -
La Manxoya vuelve al focu: reclamen acreditar la descontaminación de los suelos onde siguen les obres de vivienda
La Coordinadora Ecoloxista d’Asturies pide al Principáu y al Conceyu d’Uviéu que documenten si tán descontaminaos los suelos onde, según la información recibida del vecindáu, siguen obres pa unes 500 viviendes. La reclamación reactiva una contradicción yá conocida: sondeos encargaos pol Real Oviedo detectaren restos de ceniza de pirita en 2025, mentanto’l Conceyu defendía disponer d’un informe anterior que certificaba la descontaminación. -
Educación rectifica y caltién la unidá d’Infantil de 3 años del CP José Bernardo de Sama
La Conseyería d’Educación decidió dar marcha atrás na supresión d’una de les unidaes d’Educación Infantil de 3 años del Colexu Públicu José Bernardo de Sama, dempués de la movilización de les families, el profesoráu y la comunidá educativa del centru. La unidá d’Educación Infantil de 3 años del CP José Bernardo de Sama va caltenese […] -
Andecha Astur reclama proteición pa horros, paneres y cabazos
Andecha Astur reclama que la reforma del Reglamentu de Padremuñu Cultural del refuercie de manera efectiva la protección de los horros, paneres y cabazos, evitando que la flexibilización de la normativa acabe facilitando la perda, el deterioru o la desnaturalización d’estes construcciones. Les alegaciones presentaes nel trámite d’información pública del espediente NORM/2023/72 inclúin una serie […]
Sigue InfoAsturies
Recibi les noticies por RSS nel to llector de feeds, ensin dar el corréu.
Col sofitu de la Conseyería de Cultura, Política Llingüística y Turismu
