-
La «Santina Queer» vuelve al xulgáu: AMA declara investigada por un posible delitu d’escarniu
El presidente d’AMA Asturies, Fran Suárez, declaró en Villaviciosa como investigáu tres una denuncia d’Abogados Cristianos y la Hermandad de los Estudiantes d’Uviéu pola «Santina Queer» utilizada na movilización del 8-M. El procedimientu vuelve abrir l’alderique ente la protección de los sentimientos relixosos y la llibertá d’espresión. AMA niega cualquier intención ofensiva y anuncia que la figura va siguir presente nes movilizaciones que decida’l colectivu. -
2.500 persones llenen Uviéu contra la violencia ultra y reclamen la dimisión de Canteli
Unes 2.500 persones, según la Policía Nacional, concentráronse esti sábadu 19 de setiembre delantre del Conceyu d’Uviéu en respuesta a l’agresión sufrida por Rubén Rosón y Jorge Fernández, integrantes d’AMA Asturies, y a les vandalizaciones posteriores de la caseta del colectivu en San Matéu. La movilización reclamó una respuesta institucional firme y la dimisión del alcalde, Alfredo Canteli, poles sos declaraciones tres l’agresión. -
Fiestes Populares caltién «Somos Más» y disputa col Conceyu d’Uviéu l’algame de la resolución municipal
Fiestes Populares d’Uviéu caltién pa güei la movilización y el festival «Somos Más» na plaza la Catedral y sostién que la resolución municipal namás deniega l’ampliación d’horarios y unes condiciones especiales de carga y descarga, pero non los conciertos previamente autorizaos. El Conceyu interpreta la tramitación d’otra manera y el choque institucional llega dempués de l’agresión sufrida por dos miembros d’AMA Asturies y de nuevos actos vandálicos na caseta de San Matéu. -
La Policía investiga como posible delitu d’odiu l’agresión de San Matéu y el xulgáu dicta órdenes d’allonxamientu
La Policía Nacional considera que na agresión sufrida por Rubén Rosón y Jorge Fernández hai indicadores compatibles con un posible delitu d’odiu y señala una motivación inicial homófoba. El xulgáu dexó en llibertá provisional a los cinco deteníos con prohibición d’avera-se a les víctimes, mientres les defenses refuguen que los fechos tengan un componente ideolóxicu. -
Canteli minimiza l’agresión facista de San Matéu y pon el focu nos agredíos
L’alcalde d’Uviéu, Alfredo Canteli “Banderones”, del PP, evitó condergar la paliza sufrida por Rubén Rosón y Jorge Fernández y llegó a afirmar de los agresores que «nun creo que seyan tan mala xente». El rexidor cuestionó’l relatu de les víctimes, recuperó un incidente protagonizáu por Rosón años atrás y faló de «casualidá», unes declaraciones que […] -
Miles de persones responden n’Uviéu a l’agresión facista contra dos militantes d’AMA
Miles de persones concentráronse esti sábadu na plaza de la Catedral d’Uviéu pa refugar l’agresión sufrida por Rubén Rosón y Jorge Fernández, militantes d’AMA Asturies. La movilización tresformó’l llugar del ataque nuna demostración multitudinaria de solidaridá y respuesta antifacista.
Sigue InfoAsturies
Recibi les noticies por RSS nel to llector de feeds, ensin dar el corréu.
Col sofitu de la Conseyería de Cultura, Política Llingüística y Turismu
