• Portada
  • >
  • Llingua
  • >
  • Adrián Barbón sigue dexando pa práu la Oficialidá

Adrián Barbón sigue dexando pa práu la Oficialidá

  • 6 Mayu, 2021

El Presidente vuelve utilizar la sida de la pandemia pa nun asumir les sos responsabilidaes col pueblu asturianu y encamienta resignación y tolerancia énte los ataques de la drecha española al asturianu

Énte la entruga parlamentaria sobro’l cumplimientu de la so promesa elleutoral d’avanzar na oficialidá del asturianu, el presidente de Asturies, Adrián Barbón, retrucó qu’esi alderique «habrá d’encarase una vegada tuviera controlada la pandemia ya inmunizáu’l pueblu asturianu», marcando como marxe temporal mínimu pa entamar el procesu’l final del añu 2021, ello ye, cuando cunte con menos d’un añu pa desendolcalo, forfugando al máximu los plazos de la so llexislatura, cola ilusión, quiciabes, de dexar nuevamente la tema nel aire y volver utilizalo nes próximes elleiciones. Anguañu sumen 27 los diputaos nel parlamentu asturianu que teóricamente votaríen a favor de la oficialidá, marcu que nun se puede garantizar en futuros gobiernos.

Amás, alegó que nun consideraba que la cuestión llingüística fuere abondo importante como pa xustificar una reforma estatutaria, convidando a la oposición a avanzar “nuna reforma del estatutu que tien de ser más amplia que la llingüística, nun podemos enquivocar nesta cuestión, nun puede ser solo una reforma pola cuestión llingüística».

Tocantes a los ataques a la llingua per parte de la drecha, Barbón convidó a baxar la tiesta y retrucó que los partidarios de la oficialidá tienen de “fuxir de les prevocaciones y trabayar nun modelu d’oficialidá amable, a l’asturiana», un términu pocu claru xurídicamente y que fai tarrecer que la tan allampada oficialidá llegue finalmente a los asturianos baldá de man y carente de conteníu.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies