1.024.383 Asturianos: crónica d’un xenocidiu anunciáu

  • 14 Avientu, 2018

Cuesta creyer que seya cien por cien casual la perda de más de 106.000 habitantes nun país tan piqueñu comu Asturies, en menos de mediu sieglu y mientres medra en tol estáu

Xenocidiu ye, sigún la RAE, el desaniciu sistemáticu d’un grupu humanu por  motivu de raza, etnia, relixón, política o nacionalidá. Les Naciones Xunies recueyen, amás, el conceutu de Xenocidiu Cultural, referíu a “Cualisquier aición que tien l’oxetivu o efeutu privar a un pueblu de la so integridá como pueblu estremáu, de los sos valores culturales o identidaes, cualisquier aición que tien l’oxetivu de desposeyelos de les sos tierres, territorios o recursos, cualisquier forma de treslláu de población que tien l’efeutu de violar o menoscabar cualaquier de los sos drechos, cualisquier forma d’asimilación o integración por otres cultures o modos de vida impuestos a ellos por midíes llegales o alministratives, pente otres y finalmente, cualisquier forma de propaganda dirixida contra ellos.

Al lleer tolo anterior con Asturies en mente vienen a la tiesta, nesi orde les vinientes cuestiones: 4.269 asturianos menos n’Asturies en solo 6 meses, 24 menos al díe; torga del usu de la llingua, ataques a la músical país ya dificultaes estremes pa caltener la vida nos pueblos y con ello los valores culturales rurales y la so identidá, perda de capacidá económica que deriva na perda de tierres y recursos, una tasa de movilidá de más del 8%, con un asturianu emigrando ca media hora . No de l’asimilación o integración por otres cultures o modos de vida vienen a la tiesta bona cantidá d’imáxenes, feries d’abril , toreros y black fridays incluyíos y ¿cómu escaecer les declaraciones propagandístiques pocu menos que diaries ñegando, ridiculizando o atacando la nuesa cultura, llingua ya identidá?.

Por supuesto, ye un xenocidiu sutil, amable, como yos gusta dicir, un desfilachar costante del texíu social asturianu, una sangría enfeblecedora. El datu del díe son los 4.269 asturianos menos que viven n’Asturies; 1.035 d’ellos foron “sustituyíos” gracies a la inmigración. Falta pocu pa baxar del millón ya’l “Principado” continúa ensin plantegar dala midía pa frenar l’avieyamientu y la fuga. Desapaecemos.

Llucía F. Marqués

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies