Según manifiesta’l secretariu xeneral de la Rede Estatal de Desendolcu Rural (REDER)

Nun cursu de la Escuela de Branu de La Granda tituláu “Redistribución de la población n’España: el peligru de la desapaición de los pequenos conceyos”, Felipe González de Canales López-Obrero, señaló que Asturies ye la nación del Estáu que más pueblos pierde pola despoblación del mundu rural. Al nuesu país le siguen Galicia y la comunidá autónoma de Castiella y Lleón.

En tol Estáu la cifra de pueblos abandonaos asciende a más de 2.800, ensin qu’esista nenguna política enfocada a frenar esta dinámica. La única esceición son los programes Leader. Acullá, les instituciones públiques namás reconocen y llamenten esta realidá, pero ensin buscar soluciones nin asumir compromisos.

El ponente foi especialmente críticu col Ministeriu español d’Agricultura, pola so concepción d’esta actividá económica al marxe de la realidá socio-cultural del entornu rural. Tamién critico a los Gobiernos autonómicos, por caltener a la población rural nuna situación discriminatoria, pola ausencia d’ayudes y de servicios públicos, qu’aseguren unes mínimes condiciones de calidaá de vida.

This work is licensed under a Creative Commons Attribution 4.0 International License.