• Portada
  • >
  • Asturies
  • >
  • Boicot a los Premios Principiegos: Asturies nun tien rei

Boicot a los Premios Principiegos: Asturies nun tien rei

  • 18 Ochobre, 2018

Nun añu marcáu poles aiciones de refuga a la monarquía española y polos intentos d’esta de remanar pa si la hestoria d’Asturies, con tres visites de la Casa Real Española en pocu más d´un mes, la concentración que tolos años protagonicen miles d’asturianos escontra los reis nel marcu de los Premios Principiegos promete ser multitudinaria.

La cita ye esti vienres 19 d’ochobre, dende les 17:00 na Plaza La Escandalera (Uviéu)

El Pueblu Asturianu tien esti vienres una nueva oportunidá d’amosar la so refuga a los reis d’España, esta vegada en direuto y a pocos metros del Teatru onde les sos maxestaes tarán faciendo entrega de los Premios Principiegos, nel manifestamientu y posterior concentración cola que tornen a dicir a los Reis d’España que nun son los sos súbditos.  La protesta faise estensiva a los premios Principiegos, entamaos por una fundación corrupta, el patronatu de la Fundación Princesa, onde tan les grandes fortunes d’España y dalgunos de los más direutos responsables de la crisis económica que carecemos.

Nun intre críticu polos escándalos de robu y corrupción, nel que’l Reinu d’España ta siendo seriamente puestu en tela de xuiciu per bona parte de la sociedá ya’l sintir republicanu ye mayoritariu n’Asturies, la monarquía española trata de llavar la cara y llexitimizar la so esistencia a costa de falsiar la hestoria, tratando de facer escaecer a la población que son los heriedos direutos de la dictadura franquista.

Pa ello, ye la tercer vegada en pocu más d’un mes que la Casa Real Española visita Asturies, entamando pola  “coronación” de la infanta  nel Díi de la Nación Asturiana, remanando pal so porgüeyu la hestoria del Reinu d’Asturies -ayenu dafechu a la idega d’España- y faciéndose pasar pelos sos continuadores, continuando cola  visita de la Reina Letizia a un colexu d’Uviéu nel aniciu del cursu escolar y rematando cola cita añal de los Premios Principiegos, eventu organizáu polo más escoyío de la burguesía que, en forma de Patronatu, utiliza’l prestixu de los gallardonaos pa dar llustre d’una parte a los sos negocios y per otra a la monarquía borbónica.

Ello asina, faise un llamamientu al conxuntu del Pueblu Asturianu a participar na manifestación convocada pal prósimu vienres 19 d’ochobre, con salida a les 16  de la Plaza l’Ayuntamientu d’Uviéu y a la posterior concentración de magar les 17 hores na Plaza la Escandalera d’Uviéu, de manera que’l recibimientu a los reis d’España na entrega de los Premios Principiegos  se torne n’espeyu de la refuga a la monarquía y a los Borbones que ye, como amuesen les encuestes, mayoritariu ente’l pueblu asturianu.

Llucía F. Marqués

 

.Nada d’estrañar viniendo d’una institución non solo antidemocrática na so esencia medieval, tamién na so esistencia anguañu como heriede de la dictadura franquista, cola que comparte estamentos xurídicos y de poder. Una esencia medieval que nun se disimuló cola imposición n’Asturies del “Principado”, un títulu medieval creáu pal meyor sometimientu de los territorios asturianos y que paez que vieno al deu pa suplantar el llexítimu Conseyu Soberanu con una autonomía y un estatutu impuestos dende Madrid y qu’a los asturianos -a diferiencia d’otres naciones del Reinu español- enxamás nun se mos permitió votar.

Pero ente tantes solombres, una vegada más, hai una lluz n’Asturies:

Por too esto, son munches les organizaciones nacionaliegues que como Andecha Asturu o Lluchando Pola Soberanía fain un llamáu a participar  na concentración convocada poles compañeres de CSI Liberbank ente la visita real, escontra la monarquía, escontra’l Principáu, pola República Asturiana: ASTURIES NUN TIEN REI.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies