La fuelga médica entama’l 16 de payares n’Asturies. Consulta la duración de la primera fase, los servicios mínimos y les demandes del personal del SESPA.
Les organizaciones médiques suspenden temporalmente los paros estatales previstos dende’l 28 d’ochobre depués del adelantu electoral, al decayer la tramitación del Estatutu Marcu y quedar ensin interlocutor políticu estable. El conflictu sigue abiertu y les centrales alvierten de que van reactivar les movilizaciones si’l próximu Gobiernu nun atiende les sos demandes.
El XII informe de la Federación de Asociaciones para la Defensa de la Sanidad Pública asitia Asturies con 22 puntos sobre 34 nel so índiz de privatización, al nivel d’Euskadi y per debaxo de Madrid, Baleares, Cataluña y Canarias. Lo que destaca’l documentu nel casu asturianu ye la evolución: un aumentu del 95,8% dende 2014 y una aceleración nos últimos trés años.
La llamada prescripción enfermera empezó a aplicase n’atención primaria pa determinaos pacientes con ostomíes, quemadures y firíes. El Colexu d’Enfermería y SATSE celebren l’entamu, pero recuerden que les profesionales tán acreditaes dende 2021 y reclamen aplicar les diez guíes estatales y estender la midida a los hospitales.
El Sespa reorganizó temporalmente la diálisis del Hospital Carmen y Severo Ochoa al detectar una incidencia nel sistema de tratamientu d’agua. Los pacientes van ser atendíos nel HUCA y nel centru de diálisis de Cruz Roja d’Uviéu mientres Cangas incorpora tres equipos portátiles.
El Conseyu de Gobiernu aprobó’l decretu que crea’l rexistru autonómicu de profesionales sanitarios oxetores frente a la interrupción voluntaria del embaranzu. Va ser confidencial, non públicu y voluntariu, y namái podrá inscribise personal que participe directamente na intervención. El rexistru tien de permitir al SESPA saber con qué profesionales cuenta; la prueba real va ser que la oxeción individual nun acabe convirtiéndose nuna barrera pal derechu efectivu al abortu.
Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
ACEPTAR