-
50,3 millones pal Aeropuertu d’Asturies mientres el tráficu internacional cai un 12,5%
El Conseyu de Ministros aprobó 50,3 millones d’euros d’inversión nel Aeropuertu d’Asturies ente 2027 y 2031 pa renovar la pista, ampliar la sala d’embarque internacional y modernizar la terminal. L’anunciu coincide col meyor agostu de la historia en númberu total de viaxeros, pero con una paradoxa: el tráficu nacional medra con fuercia mientres l’internacional acumula una cayida del 12,5% nel añu. -
Asturies suma 1.192 empreses nueves, pero la creación societaria convive cola perda d’emplegu industrial
Ente xineru y agostu constituyéronse n’Asturies 1.192 sociedaes, un 15,3% más que nel mesmu periodu de 2025 y una evolución superior a la media estatal. El datu ye positivu, pero nun permite por sí solu falar d’una economía fortalecida: la industria perdió 7.300 puestos de trabayu nun añu y bona parte del texíu empresarial asturianu sigue formáu por microempreses. -
Digital Valley pasa de la propaganda al exame: Sekuens tendrá que probar la viabilidá del proyectu
Los promotores del campus de centros de datos de Salas formalizaron la solicitú pa tramitalu como Proyectu d’Interés Estratéxicu Rexonal. L’anunciu de 1.226 millones d’inversión y más de 1.300 emplegos entra agora na fase na que Sekuens tendrá que comprobar viabilidá, solvencia ya impactu real. -
El nuevu modelu de financiación abre otra disputa territorial p’Asturies
La reforma de la financiación autonómica abre una negociación na que Asturies tien que defender con datos la dispersión, l’avieyamientu y los servicios públicos. -
Galicia adelanta refuerzos eléctricos mientres Asturies espera pola rede de 2030
Galicia incorpora dos subestaciones y nueves conexones pela vía urxente, mientres el refuerzu central d’Asturies sigue pendiente del plan eléctricu de 2030. -
Bayer va producir «Aspirina verde» en Llangréu enantes de fin d’añu
La planta de Bayer en Lada ta a piques d’entamar les pruebes d’un sistema d’almacenamientu térmicu que va permitir fabricar con vapor d’orixe renovable primero de fin d’añu. -
Duro Felguera, Indra, Barbón y la política de financiar la industria armamentística coles perres del pueblu asturianu
El Principáu acepta la quita de seis millones a Duro Felguera y prepara otra operación millonaria cola empresa, una hestoria especialmente ilustrativa de cómo cambia’l discursu del Gobiernu asturianu cuando una gran empresa entra en dificultaes, pero tamién fala de l’ablucante habilidá pa remanar la información pública con semeyes sorrientes y sutiles xiros que lleven, […] -
Agromar solicita un almacén de 329 metros cuadraos nel Musel
El Puertu de Xixón abre la consulta sobre la solicitú d’Agromar pa un almacén de productos terminaos en Rendiello, con 329,37 metros cuadraos. -
El Principáu pon dineru públicu al serviciu de la fábrica d’armes d’Indra en Barros
El Gobiernu asturianu anuncia la compra del taller de Duro Felguera pa facilitar la planta de blindados d’Indra, una operación ensin costes nin condiciones públiques que vuelve someter la política industrial a intereses militares. -
Viviendes turístiques n’Asturies: normativa, control y datos que falten
Una guía documental sobre la normativa, el rexistru y el control de les viviendes turístiques, con antecedentes del impactu residencial n’Asturies.
Sigue InfoAsturies
Recibi les noticies por RSS nel to llector de feeds, ensin dar el corréu.
Col sofitu de la Conseyería de Cultura, Política Llingüística y Turismu
