-
Asturies pierde 197 autónomos en comerciu y hostelería en setiembre
El RETA preslló setiembre con 70.417 afiliaciones n’Asturies, 40 menos que n’agostu. La perda concéntrase nos sectores de proximidá: comerciu y hostelería sumen 197 autónomos menos nun solu mes, según l’analís d’UPTA Asturies. -
Los sindicatos denuncien que’l Principáu tien bloquiaes más de 150 places de la OPE de la Universidá d’Uviéu
ISA, SIPU, CCOO, CSIF y UGT denuncien de manera conxunta que la Universidá lleva meses esperando l’autorización del Principáu pa publicar más de 150 places de catedráticos, titulares y profesoráu permanente llaboral de la OPE de 2025. Tamién reclamen el decretu de complementos retributivos acordáu en 2025. -
2.649 persones quieren yá una plaza residencial mentanto la dependencia tarda 372 díes de media
La Conseyería de Drechos Sociales cifra en 2.649 les persones que quieren acceder de manera inmediata a una plaza residencial. Al empar, el tiempu mediu pa recibir una resolución o ayuda de dependencia ta en 372 díes, más del doble del plazu llegal de 180. -
La Escandalera conviértese nuna acampada pola vivienda y la movilización va siguir hasta’l domingu
Cientos de persones concentráronse esti vienres nel centru d’Uviéu y los colectivos de vivienda instalaron tiendes de campaña na plaza de La Escandalera. La protesta va caltenese, polo menos, hasta la manifestación del domingu, nun momentu marcáu pol refugu parlamentariu de dos decretos estatales de vivienda y pola medría de la presión residencial n’Asturies. -
Defensa cifra en 55.000 metros cuadraos la superficie dedicada a vehículos militares n’Asturies
El Ministeriu de Defensa calcula que, cuando se complete’l despliegue d’Indra en Barros, Asturies va sumar 55.000 metros cuadraos dedicaos a vehículos terrestres militares nel eixe Xixón–Trubia–Barros. La Secretaría d’Estáu presenta la operación como una apuesta industrial y d’autonomía estratéxica, mientres la espansión del sector abre un debate sobre’l volume de recursos públicos, l’emplegu y el modelu productivu. -
Cultura minera asturiana: candidatura a BIC y memoria obrera
La cultura minera asturiana presenta la memoria pa ser BIC inmaterial. La candidatura abre’l debate sobre la protección y tresmisión de la memoria obrera. -
La protesta ganadera llega a Presidencia col llobu y la viabilidá del mediu rural nel centru
Más d’un centenar de ganaderos del oriente concentráronse énte la sede de Presidencia n’Uviéu pa reclamar soluciones frente a los daños atribuyíos al llobu, la medría de los costes y la perda de viabilidá del sector. La protesta culminó la marcha a pie dende Ribeseya de dos ganaderos y volvió poner enriba la mesa un conflictu nel que se crucien conservación, producción y supervivencia de les esplotaciones. -
CCOO fala d’un 14,7% más d’accidentes, pero la estadística oficial del IAPRL marca un 2%
CCOO afirmó que n’Asturies se rexistraron 7.066 accidentes llaborales con baxa ente xineru y xunetu, 906 más que nel mesmu periodu de 2025, lo que supondría una medría del 14,7%. Sicasí, la estadística oficial del Institutu Asturianu de Prevención de Riesgos Llaborales contabiliza 7.052 accidentes totales y una xubida interañal del 2%. La diferencia necesita una esplicación metodolóxica. -
Once families de Río Piloña frenen el desallugu y aseguren siete años más na so casa
Once families del númberu 3 de la cai Río Piloña, en Xixón, firmaron nuevos contratos de siete años con rentas que nun pueden superar el 30% de los sos ingresos. Los alquileres van de 100 a 600 euros al mes y queda paralizáu’l llanzamientu previstu pal 5 d’ochobre. L’alcuerdu pon fin a casi dos años de conflictu, pero dexa abierta la cuestión de qué va pasar cola parte vacía del edificiu. -
La Coordinadora Ecoloxista alerta del riesgu ambiental del dragáu del puertu de Ribeseya
La organización va presentar alegaciones al proyectu de dragáu previstu ente 2027 y 2031 pola presencia de mercuriu y contaminación microbiolóxica nos sedimentos, el posible impactu sobre la playa de Santa Marina y la falta d’un estudiu suficiente sobre especies migratories como’l salmón, el sábalu y la llamprea. La Coordinadora Ecoloxista d’Asturies va presentar alegaciones […]
Sigue InfoAsturies
Recibi les noticies por RSS nel to llector de feeds, ensin dar el corréu.
Col sofitu de la Conseyería de Cultura, Política Llingüística y Turismu
