Los horros tan cayendo. InfoAsturies TV recueye nun reportaxe audiovisual el deterioru y la perda de horros y paneres n’Asturies, a partir de semeyes d’archivu y documentación de Horru Online.
Duración: 2 minutos y 5 segundos. Semeyes y documentación: Horru Online. Les imáxenes son d’archivu; les feches figuren nel propiu vídeu.
El recorríu inclúi l’horru Fifi, en La Peral (Illas), y casos documentaos n’Udrión y Los Praos, en Cualloto (Uviéu), Samartín de L’Aspra (Castrillón), Ridón, en Taborneda (Illas), y Venta les Ranes (Villaviciosa). Son testimonios d’un patrimoniu que forma parte de la memoria, del paisaxe y de la cultura asturiana.
El reportaxe recuerda que salvar estes construcciones precisa caltenimientu, carpintería tradicional y sofitu a les persones propietaries. Tamién recueye’l llabor de documentación y denuncia de Horru Online, y les dificultaes pa acceder a información sobre’l so estáu y proteición.
La pieza acaba con un llamamientu a actuar enantes de que seya tarde: quien conozca un horru o una panera en peligru pue comunicalo a Horru Online nel corréu info@horru.online.
Más información rellacionada:
- Los horros y les paneres precisen futuru, non solo ayudes pa evitar la ruina.
- Andecha Astur reclama proteición pa horros, paneres y cabazos.
- Los maestros del horru reclamen reconocencia pa un oficiu que ta perdiéndose.
- Otru horru esbarrumbáu, esti, en Coḷḷanzo.
- Illas recurre a l’Audiencia Nacional la orde d’informar sobre’l catálogu de horros y paneres.
This work is licensed under a Creative Commons Attribution 4.0 International License.
