L’agresión contra un neñu de 15 años nes fiestes de Cagüeñes amuesa’l nivel de violencia ya impunidá dela que gocien estos grupúsculos facistes
Camiseta de la selección asturiana de la marca 198
.Un menor foi agredíu la nueche del sábadu nes fiestes de Cagüeñes por un garrapiellu d’alrodiu de quince individuos d’ente los 20 y los 30 años. Los agresores, que diben ataviaos con camisetes blanques con una bandera d’España bordada, golpeáronlu na cara con una botella de cerveza, arrequexáronlu y profiriendo amenaces contra él. El motivu, llevar una camiseta d’estilu selección deportiva cola pallabra Asturies escrita.
L’ataque amenorgó cuando’l menor manifestó que tenía quince años. Nesi momentu, los agresores consideraron que podíen metese en problemes si continuaben cola agresión física, anque siguieron un bon cachu insultándolu y amenaciándolu.
Especial crítica merez l’actuación de los guardies de seguridá del eventu. Según desplicó’l menor, una bones informaos de lo asocedío, respondieron que nun podía denunciar los fechos, «podría tar inventándoselo» y que «nun tenía pruebes», una reacción que la familia del afectáu considera inaceptable y que, al so xuiciu, evidencia la desproteición que sufren les víctimes d’esti tipu d’agresiones.
Esi nun foi l’únicu incidente de la velada; testigos afirmen que los agresores tuvieron comportamientos violentos con más xente a lo llargo de la nueche, aniciando delles pelees y buscando problemes ensin que foren frenaos pola policía nin polos guardies de seguridá del eventu.
Los fechos provocaron indignación ente les persones conocedores del casu, que reclamen una investigación de lo asocedío y mayores garantíes de seguridá nes celebraciones populares.
This work is licensed under a Creative Commons Attribution 4.0 International License.
