L’Academia de la Llingua Asturiana anunció la celebración del XLIV Congresu Internacional de Filoloxía y Cultura Asturianes (CIFCA), qu’hasta va pocos años se conocía como Xornaes Internacionales d’Estudiu. L’alcuentru va tener llugar n’Uviéu los díes 3, 4 y 5 de payares de 2026 y constitúi una de les principales cites científiques venceyaes al estudiu de la llingua, la lliteratura y la cultura asturianes.

La organización informa de que sigue abiertu’l plazu pa la presentación de propuestes de comunicaciones. Les persones interesaes tienen d’unviar un títulu y un resume d’ente 200 y 300 pallabres nel que s’espliquen los oxetivos del trabayu, el so desarrollu y una breve relación de referencies bibliográfiques.

La documentación tendrá d’unviase al corréu electrónicu informacion@alladixital.org, acompañada de los datos personales de la persona autora: nome y apellíos, númberu de documentu d’identidá, teléfonu y dirección de corréu electrónicu.

El plazu de receición de propuestes va permanecer abiertu hasta’l 21 de xunu de 2026. Una vegada valoraes pol comité correspondiente, les comunicaciones aceutaes van recibir la correspondiente notificación al traviés del mesmu corréu electrónicu facilitáu polos autores.

Dende la organización del congresu animen a investigadores, docentes y persones interesaes na filoloxía y la cultura asturianes a participar nesta nueva edición del CIFCA, qu’un añu más va convertir Uviéu nun espaciu d’alcuentru y reflexón académica alredor del patrimoniu cultural y llingüísticu d’Asturies.

This work is licensed under a Creative Commons Attribution 4.0 International License.