Esta tarde va celebrase una concentración d’emerxencia nel puertu deportivu de Xixón tres l’ataque y la intercepción de la flotina humanitaria Global Sumud per parte de les fuerces israelines en aguas internacionales, cuando la espedición intentaba llegar a Gaza con ayuda humanitaria y activistes de decenes de países.
Cartelu convocatoria
La convocatoria ta prevista pa les 18.00 hores y busca denunciar l’asaltu a les embarcaciones y reclamar la llibertá de les persones reteníes. La flotina, formada por más de cincuenta barcos, saliere de Turquía dempués de delles escales nel Mediterraneu. Distintos medios internacionales y organizaciones confirmaron que parte de les embarcaciones foron interceptaes pola marina israelina esti llunes.
La operación militar, según la organización de la flotina, tuvo llugar n’agües internacionales cerca de Chipre.
La Global Sumud Flotilla presentárase como una misión civil internacional pa denunciar el bloqueu sobre Gaza y tresportar ayuda humanitaria. Organizaciones como Amnistía Internacional y distintos colectivos internacionales reclamaren nes últimes selmanes protección y pasu seguru pa la espedición
This work is licensed under a Creative Commons Attribution 4.0 International License.
