El sábadu cincu d’abril a les diez de la nueche Skanda torna a los escenarios depués de diez años ensin dar un conciertu
La mítica formación asturiana de música folk-rock va estrenar nel Parque Xovellanos de Mieres un espectáculu con delles collaboraciones, dientro’l programa de la Folixa na Primavera. Nesta ocasión van tar acompangaos pola Banda Sinfónica del Atenéu Musical de Mieres y de la Banda de Gaites Villa de Mieres que los acompangarán na interpretación de los temes más conocíos de Skanda con un formatu nuevu.
El conciertu del sábadu 5 va ser un repasu a los 19 años de trayectoria del grupu, colos arreglos sinfónicos de Carmen Loriente y les igües de banda de gaites de Jorge Areces.
Por agora nun se planteguen más planes futuros, pero tampocu descarten más conciertos “Vamos esfrutar esti momentu y dempués, ver veremos…”.
Susana Sela
This work is licensed under a Creative Commons Attribution 4.0 International License.
