La Facultá de Dormación del Profesoráu y Educación acueye una esposición guiada baxo l’entítulu ‘Pa la guerra, na, pa la vida, too’
La plataforma Conceyu Abiertu pola Paz, qu’axunta a persones esmolecíes “pola deriva militarista en presupuestos públicos y psicosis social de los gobiernos asturianu, español y de les instituciones europées”, inagura esta tardi a les 17 hores, na Facultá de Formación del Profesoráu y Educación (Cai Aniceto Sela, Edificiu Norte, Uviéu) de la Universidá d’Uviéu, una esposición compuesta por nueve paneles informativos, que van tar espuestos pelos espacios públicos de la Facultá. L’entítulu de la esposición “Pa la guerra, na. Pa la vida, too”, plantega crítiques dende’l puntu de vista de la seguridá pública, la resolución non violenta de conflictos, l’esgotamientu de recursos, la salú pública, la política de fronteres. el patriarcau o la cuestión humanitaria y climática.
L’accesu ye públicu y va facese dende’l martes 18 de febreru hasta’l 4 de marzu nel Edificiu Norte y, de siguío, dende’l 5 al 20 de marzu nel Edificiu Sur de la mesma facultá.
Susana Sela
This work is licensed under a Creative Commons Attribution 4.0 International License.
