Parte metereolóxicu del 23 de Xineru

  • 23 Xineru, 2025
Bonos díes, bona xente.
” Pequeña tregua antes del temporal “
Alborecemos col cielu cubiertu por nubes baxes con unes temperatures que tan alrodiu de los 9ºC, rexistrándose nel puirtu Payares 1,6ºC.
Güei una vegada que se dixebren lles nubes baxes del alborecer va quedar el cielu con grandes claros o abancios pa dexanos un día soleyeru y prestosu con unes temperatures qu’apesar de la llume del sol tenderán a descender ya col aire que pue dexanos dalguna racha fuerte en zones altes y puntos del llitoral de componente norte.
Mañana vienres va dir coyendo puxu l’aire ábrigu polo que les temperatures subirán moderadamente con raches fuertes en zones altes de montaña, onde la nubosidá sedrá más abondosa, sobre too na vertiente sur y fastera surocidental nun se descartándose dalguna precipitación feble, nel restu la nubosidá sedrá de tipu mediu-altu cola apertura de dalgún claru o abanciu durante’l día.
Durante’l riscar del sábadu va cruzanos un frente atlánticu que barrerá Asturies d’oeste a este, dexando al so pasu precipitaciones abondoses, yá pela mañana sedrán en forma de xarabatos intermitentes, remitiendo per completu a primera hora de la tarde.
Les temperatures en descensu, baxando la cota de nieve hasta los 1200m dende los 2000. L’aire gallegu con raches fuertes en zones altes ya en puntos del llitoral.
El domingu tornará l’aire ábrigu con subida de les temperatures, nubosidá media-alta y precipitaciones al escurecer cola llegada d’un nuevu frente atlánteicu.
El llunes una potente borrasca atlántica mos afeutará de llenu, apurriéndonos raches de vientu mui fuertes que pue algamar los 100Km/h, mui mala mar con un fuerte temporal marítimu, precipitaciones y un bultable descensu de les temperatures pela tarde, una vegada que role l’aire a componente noroeste cuando baxará la cota de nieve hasta los 700m.
El restu la selmana sedrá mui inestable ya ivernal, sobre too’l xueves cuando s’esperen precipitaciones abondose y nevaes copioses pela cordelera perriba de los 1000m pero esto yá lu diremos viendo.
Que paséis un bon xueves collacies ya collaxios.
Semeya de “La Lladrona, sta María del mar” que mos l’apurre la nuesa collacia Conchi García Capllonch.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies