Lluvia,nieve ya vientu con descensu de les temperatures

Alborecemos con precipitaciones abondoses na metá centru-ocidental que va dir trasladándose al restu d’Asturies con unes temperatures que tan alrodiu de los 10ºC, rexistrándose nel puirtu Payares 5,7ºC.

Güei vamos tener precipitaciones abondoses pela mañana pa dir remitiendo durante la tarde con unes temperatures en descensu moderáu, asina como la cota de nieve qu’anicialmente surdirá perriba de los 1800m pa baxar rápidamente a los 1200-1300m. L’aire de componente noroeste va soplar con raches fuertes en zones altes de montaña ya en puntos del llitoral.

Mañana vienres meyorará, abriranse grandes claros o abancios, amenorgará l’aire pero les temperatures van caltenese baxes con un descensu de les mínimes, mentantu les másimes van camudar poco.

El sábadu seguiremos con nubes ya claros o abancios nel cielu, aumentando la nubosidá al final del día con unes temperatures másimes n’ascensu y l’aire sedrá sele ya variable que mos dexará un ambiente seliquino a primera hora de la tarde.

El domingu vamos tener intervalos nubosos emburriaos pol vientu gallegu que dirá coyendo fuercia pa soplar con raches moderaes nel llitoral y zones altes de montaña. Al escurecer entamará a llover con una cota de nieve que dirá baxando de los 1800m a los 1400m al finar el día.

El llunes seguiremos con dalguna precipitación feble durante’l riscar y l’alborecer pa dir remitiendo a lu llargu la mañana, la nieve surdirá perriba de los 1300m y les temperautres descenderán. El martes va tar nuboso pero sin precipitaciones y el día de Navidá paez que escamplará y tará soleyeru pero esto yá lu diremos viendo.

Que paséis un bon xueves collacies ya collacias.

Semeya que mos l’apurre’l nuesu collaciu García Xurdín.