La FIDMA ye tradicionalmente un puntu d’alcuentru pa revindicaciones sociales y llaborales, pola gran cantidá de públicu qu’atrae
El xueves ochu a les siete la tardi, a les puertes del recintu ferial Luis Adaro, onde ta desendolcándose la Feria Internacional de Muestres de Xixón, va tener llugar una concentración pa dar a conocer el casu de les seis sindicalistes condergaes a los miles d’asistentes de la FIDMA, reclamando la so llibertá ya’l drechu a exercer el sindicalismu ensin represalies llegales.
El llugar foi escoyíu pola gran afluyencia de xente de toa Asturies, un escaparate perbonu pa visibilizar el conflictu que ta a piques de llevar a la cárcele a seis persones, pente les que s’inclui la propia víctima que denunció los abusos del so xefe na Pastelería La Suiza; abusos que foron precisamente los que llevaron a la CNT a entamar movilizaciones a la puerta l’establecimientu, poles qu’agora se-yos conderga.
La solidaridá y la capacidá de movilización ye determinante nesti casu, que sienta un perpeligrosu antecedente, non solo na criminalización de la llucha sindical sinón tamién comu menacia a muyeres que ten careciendo abusos nel so llugar de trabayu.
Llucía F. Marqués
This work is licensed under a Creative Commons Attribution 4.0 International License.
