La esposición permanente del Muséu Arqueolóxicu d’Asturies tien interés pa toa triba de públicu, dende l’espertu conoceor de l’arqueoloxía y la hestoria d’Asturies hasta’l visitante ensin conocimientos previos que vien a descubrir la hestoria d’Asturies.
Estes visites guiaes, de baldre demientres tol branu, son una oportunidá perbona p’averase al Muséu Arqueolóxicu d’Asturies, allugáu dende 1952 nel antiguu claustru del conventu de San Vicente, na ciudá d’Uviéu.
Dende los primeros asentamientos paleolíticos al Reinu d’Asturies, pasando pela cultura castreña y los resclavos del pasu de los romanos, el Muséu acueye una esposición permanente con pieces de gran valir ya información perinteresante.Les visites fadránse de miércoles a sábadu nos horarios de 11:30, 13:00 y 17:00 hores y los domingos y festivos a les 11:00, 12:15 y 13:30 hores.
El percorríu tien una duración de 50 minutos y fadráse’n grupos de diez persones, previa reserva nel teléfonu 985 208 97
Llucía F. Marqués
This work is licensed under a Creative Commons Attribution 4.0 International License.
