Cuatro, diez, venti… el contador acelera y acordies van pasando los meses, lo qu’abultaba un añu con menos asesinaes -diez en febreru, frente a les catorce del añu pasáu na mesma fecha- ya iguala les cifres del 2023, esautamente venti, dos docenes de muyeres achuquinaes porque sí, ensin xacíu, ensin proteición, ensin solución pero gracies a estos colleutivos, tamién ensin escaezu
Ayeri, baxo la turbonada y sol lema ‘Nin una menos’, dellos coleutivos feministes y sociales diéronse cita como ca mes xuntu al edificiu de la Gota Llechi, pa visualizar el macabru contador y p’amosar la so refuga ante los crímenes machistes, remembrando qu’a nivel estatal les muyeres asesinaes pasaron de diez a venti nel caberu mes tres un marzu apavoriante. Los sos nomes foron lleíos con solemnidá nel trescursu la concentración, pa que nun s’escaezan
Los convocantes son Andecha Ástur, Anticapitalistes, Dar de mamar, Asociación de Pensionistes de Xixón, Feminismu en Llucha del CSI, la plataforma del serviciu d’ayuda a domiciliu -SAD-, Podemos y Verdes-Equo.
Nel Dos Santos
This work is licensed under a Creative Commons Attribution 4.0 International License.
