• Portada
  • >
  • Xixon 100%
  • >
  • Emilio Rubio, de la Sidrería Montera Picona de Ramón, Camping Deva-Xixón y BIOPARC Acuariu de Xixón, premios Trayectoria de Visita Xixón profesional

Emilio Rubio, de la Sidrería Montera Picona de Ramón, Camping Deva-Xixón y BIOPARC Acuariu de Xixón, premios Trayectoria de Visita Xixón profesional

  • 22 Xineru, 2024

Los galardones van apurrise coincidiendo col Día del Turismu de la próxima edición de la Feria Internacional d’Amueses d’Asturies.

La I edición de los Premios Trayectoria Visita Xixón Profesional reconoz el llabor de persones, empreses y entidaes en favor d’un sector turísticu llocal más competitivu, responsable y caltenible.

La Mesa de Turismu de Xixón/Xixón, compuesta por axentes venceyaos a l’actividá turístico y liderao por Ángela Pumariega, primer teniente d’Alcaldesa de Xixón y concejala d’Economía, Emplegu, Turismu ya Innovación, otorgó los I Premios Trayectoria Visita Xixón Profesional nes sos cuatro modalidaes: Trayectoria Profesional, Trayectoria Comprometida, Trayectoria Innovadora y Trayectoria Académica.

Estos premios, otorgaos por Visita Xixón, Área de Turismu del Conceyu, escuerren aguiyar la excelencia empresarial y la puesta en marcha d’actuaciones qu’apuesten pola innovación y la caltenibilidá ente les empreses y los servicios turísticos de Xixón, coles mires de reforzar la calidá y competitividá del destín.

El Premiu Trayectoria Profesional, en concretu, reconoz a profesionales qu’amosaron el so compromisu col destín y que participaron de manera activa en proyectos pa impulsar la crecedera del sector y el desendolcu de l’actividá turística en Xixón. Por esi motivu recibió premiu Emilio Rubio, xerente de la Sidrería Montera Picona de Ramón, chigreru reconocíu pola so implicación cola cultura la sidre y la gastronomía asturiana, asina comu pola so participación en toles xornaes y actividaes que se-y proponen. Emilio Rubio foi reconocíu comu un de los embaxadores de Cocina de Paisaxe del Principáu d’Asturies ya’l so restorán ta distinguíu col sellu Compromisu de calidá Turística y la marca Sidreríes d’Asturies, siendo la única sidrería de Xixón que pertenez al Club Sidraturismu Asturies.

El Premiu Trayectoria Comprometida reconoz a profesionales y empreses qu’amuesen el so compromisu cola caltenibilidá de la nuesa redolada y col impactu que xenera’l turismu na nuesa sociedá, amás d’entender la importancia de que’l turismu ye cosa de toos y toes ya inclusivu. Esi foi el premiu que recibió el Camping Deva. Cuenta con 4.000 metros cuadraos de zona d’acampada, a los que se sumaron nueves modalidaes d’agospiamientu innovaor: cabanes, bungalós, pods o iglúes de madera, tiendes de glamping… Destaquen les meyores feches pol Camping en materia d’eficiencia enerxética, como la instalación de sistemes de aerotermia y d’enerxía fotovoltaica asina comu la incorporación de dos bungalós afechos a persones con movilidá amenorgada. Pola so xestión caltenible, el Camping Deva cuenta cola certificación Biosphere y ye l’únicu camping d’Asturies que lluz la certificación ‘Q’ calidá turística, dende fai más d’una década,asina comu’l sellu Compromisu Calidá Turística.

El Premiu a la Trayectoria Innovadora reconoz a profesionales y entidaes qu’amosaren el so grau d’innovación nel sector turísticu local al traviés de bones práctiques que contribuyeren al turismu experiencial nel destín. L’elexíu, BIOPARC Acuariu de Xixón, avera al visitante a la riqueza de los ecosistemes marinos, cuntando con un programa novedosu y curiosu d’actividaes, como la Visita al Acuariu Ocultu, Les Cenes Sol Mar o Durmiendo con tiburones, ente otres. L’Acuariu tamién destaca nel usu de la tecnoloxía pa crear esperiencies, como la sala de realidá virtual “La Última Frontera”, qu’asemeya un viaxe realista al fondu marín, llanzando un mensaxe de concienciación escontra’l cuidu de los océanos. El so restorán ‘Kraken ArtFood’ufierta amás una propuesta culinaria innovadora y caltenible con una firme apuesta polos saborgos del mar, los productos de temporada y los ingredientes llocales.

Los Premios Trayectoria Visita Xixón Profesional van apurrise coincidiendo col Día del Turismu na Feria Internacional d’Amueses d’Asturies (FIDMA) 2024. Esi día tamién se va apurrir el PREMIU TRAYECTORIA ACADÉMICA, categoría empobinada a estudiantes del Máster Universitariu en Dirección y Planificación del Turismu de la Universidá d’Uviéu de cara a aguiyar la realización de Trabajo Fin de Máster rellacionaos cola sostenibilidá turística nel destín Xixón/Xixón.

Alberto Rodríguez

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies