“Muyeres del Llagar”, que se presenta na Antigua Escuela Comerciu de Xixón el día 15 a les 19:30 hores, recueye la hestoria de delles muyeres que pasaron la vida alrodiu los toneles de los llagares más conocios d’Asturies
A lo llargo la hestoria y tovía güei, los llagareros, homes, son cuasi siempres los protagonistes de l’actualidá sidrera. Con cuntaes esceiciones, son ellos los que recueyen premios, salen nos medios, aconceyen… son la cara visible de la sidre. Sicasí, al par d’ellos hai en prauticamente tolos llagares hai una o más muyeres trabayando tantu o más, ciñendo la so vida a los ritmos de la sidre, aceutando en silenciu un segundu planu.
“Muyeres del llagar” pon-yos cara, nome, recueye la so esperiencia y la so voz, devolviéndo-yos un protagonismu que la hestoria yos robare al traviés d’entrevistes realizaes dende’l 2013 fasta güei, siendo ello que’l llibru recueye un ampliu abanícu temporal, espeyando un llargu periodu de la hestoria de la sidre.
This work is licensed under a Creative Commons Attribution 4.0 International License.
