La Casa Conceyu de Yernes y Tameza recibió decenes de llamaes y mensaxes de persones interesaes nel puestu d’ausiliar administrativu que, según l’alcaldesa, nun son quien a cubrir

Tres de los tuits espublizaos por María Díaz Fidalgo, alcaldesa de Yernes y Tameza -el conceyu menos pobláu d’Asturies, con 206 moraores d’una edá media de 57 años- nos que llamentaba que nun se cubriere la plaza en práctiques d’ausiliar alministrativu, la Casa Conceyu recibió decenes de llamaes y mensaxes de persones interesaes na mesma. “Dos díes de nun parar de llamaes y mensaxes. Gracies a toos pol apoyu y la difusión. Nun  pensaba que diba pasar esto” espublizaba l’alcaldesa, que sicasí reconocía que nun tan tovía espublizaes les bases pa la nueva contratación y que se trata d’un contratu en práctiques d’un añu pa menores de trenta años. 

D’ello sáquense delles conclusiones. Lo primero, si hai xente (asgaya) interesao en vivir y trabayar nestos conceyos. Lo segundo, los medios d’información sobre estos puestos de trabayu son ineficaces, una bones toa esta xente interesao nun supo de la convocatoria fasta que la propia alcaldesa comentó en redes qu’ella mesma fadría el trabayu porque nun topen a quien contratar. Lo tercero, el tipu de contratu, en práutiques, cola llende d’edá asociada quiciás nun seyan los más afayaizos, nin p’atrayer a posibles trabayaores nin pa garantizar la continuidá y l’asentamentu de nueves persones nun conceyu que precisa moraores fixos con urxencia.

Alberto Rodríguez

This work is licensed under a Creative Commons Attribution 4.0 International License.