Les trabayaores del Serviciu d’Atención a Domiciliu anuncien que continuarán concentrándose tolos martes a les cincu la tardi fasta recuperar los sos drechos
Esti martes tornaron a concentrase delantre la Gota Llechi “Tornamos a aconceyanos pa remembrar a les administraciones que nun vamos consentir nin un pasu atrás nes meyores algamaes” declaraben, portando pancartes que reclamen la remunicipalización del serviciu, una demana que les acompanga dende l’entamu les sos vindicaciones, asina comu meyores nes condiciones llaborales que non solo nun son más dignes col pasu’l tiempu sinón que se pretende quita-yos los llogros algamaos n’años anteriores, dexándoles nuna situación entá más precaria, que non solo les perxudica a elles, sinón a los usuarios.
Animen a la ciudadanía a acompangales a les cincu la tardi na Gota Llechi, porque les meyores que piden nun son namás pa elles, “sinón pa los usuarios, qu’anantes o dempués sedremos toos”.
Alberto Rodríguez
This work is licensed under a Creative Commons Attribution 4.0 International License.
