Sofitos a la concentración de solidaridá col Pueblu Palestín el prósimu xueves 19 d’ochobre a les siete la tardi na Plaza Tomás y Valiente, de Xixón

“Por un mundiu xustu formáu por pueblos llibres y soberanos”

La concentración ta entamada pol Comité de Solidaridá cola Causa Árabe ante lo que definen comu “xenocidiu de llibru de testu”, y son ya delles les organizaciones, comu Andecha Astur, Asturies Insumisa o l’Asociación de Pensionistes de Xixón, que llamaron ya a participar nesta protesta pública frente a la xabaz masacre que ta careciendo’l pueblu palestín por parte d’Israel, cola comnivencia, cuando non complicidá del llamáu ‘mundiu llibre’.

Asturies Insumisa declaró que consideren “más que llexítima la resistencia del pueblu palestín y los sos aliaos, empleguen los métodos de llucha qu’empleguen, incluyida la autodefensa armada, pos esta ye una violencia reactiva como respuesta énte una violencia previa. Nun podemos consentir que se siga xustificando a Israel amarutando d’esta manera de víctima al auténticu verdugu”.

Dende Andecha Astur tamién piden movilizase “pola fin de la guerra y por una solución dialogada” atalantado que la Comunidá Internacional tien qu’obligar al Estáu d’Israel a cumplir les resoluciones de la ONX y llindar les sos acutuaciones al diálogu y la negociación política, que garantice la llibertá de Palestina y la fin de l’acupación.

This work is licensed under a Creative Commons Attribution 4.0 International License.