Bonos díes, bona xente.
Alborecemos col cielu escampláu ya con unes temperatures que tan alrodiu de los 13ºC, rexistrándose nel puirtu Payares 10ºC.
Güei tendremos el cielu poco nuboso o escampláu, sicasí pela tarde pue empuercase col dalguna nube alta con unes temperatures másimes en bultable ascensu que sobrepasarán los 25ºC al mediudía, amás l’aire sedrá sele ya variable.
Mañana llunes volveremos a esfrutar del sol con dalguna nube más pela tarde ya con unes temperatures mínimes n’ascensu y másimes en llixeru descensu.
Y el restu la selmana poco va camudar el tiempu, sedrá estable con sol y temperatures suaves anque’l martes surdirán nubes que mos dexen intervalos nubosos y un llixeru descensu de les temperatures.
Que paséis un bon domingu, collacies ya collacios.
Semeya del nuesu collaciu Pachu Armestos Hevia d’Uviéu dende’l picu Santiago nel Aramo.
This work is licensed under a Creative Commons Attribution 4.0 International License.
