Vecinos y ecoloxistes denuncien l’abandonu del Parque Les Ubiñes-La Mesa por parte’l gobiernu de Barbón, que tres de 6 años ensin xestión ya ensin medios pa la xixilancia, va convirtiéndose nun circuito pa rutes en moto per espacios protexíos ufríes por empreses de turismu
La falta llexisllación permite la organización de rutes en moto pel mediu l’espaciu natural del Parque Les Ubiñes-La Mesa. Les rutes espublizense en redes sociales y lleguen pilotos de toa Europa, invadiendo coles sos máquines zones catalogaes comu hábitats d’osu, gallu montes o llobu.
Los vecinos culpen al Principado: nun hai control nin medios pa ello, falten medios humanos y materiales pa xixilar los montes, que queden desprotexios y a mercé de quienes ponen per delantre el beneficiu económicu que la proteición d’una fastera comu Les Ubiñes, de gran valir ñatural. Acusen al gobiernu de Barbón de desentendese dal parque y de “desarmar” a los axentes del mediu natur.
Cuando falen de desentendese refiérense a los seis años que lleven ensin aprebar l’Istrumenu de Xestión Integral (IGI) de les Ubiñes, lo que dificulta muncho tramitar les sanciones; la cabera Xunta Rectora del parque aconceyó en febreru del 2019, cuando se presentó la memoria de xestión del 2017, los caberos datos presentaos. Cuando mencionen que los axentes tan desarmaos falen d’escasez de coches, medios en mal estáu, condiciones llaborales llacerioses y sobre tou, falta de personal. En suma, denuncien una situación d’abandonu dafechu por parte l’alministración pública.
Susana Sela
This work is licensed under a Creative Commons Attribution 4.0 International License.
