Asturies Insumisa repartió a la entrada de la Semana Negra miles de trípticos informando sobre’l turismu caltenible y la precariedá llaboral asociada a l’actual modelu turísticu

Los convocantes, pertenecientes a les estremaes organizaciones qu’entamen la plataforma vindicativa Asturies Insumisa, desplegaron a la entrada de la Selmana Negra, dos pancartes colos llemes “Paraisu patronal, infiernu llaboral” y “Turismu masivu, malu pal turista, malu pal nativu”.

Mientres col megáfonu diben desplicando los motivos de la concentración, otru grupu de persones repartía más de dos mil trípticos billingües con información sobre la campaña, que reclama p’Asturies otru modelu turísticu, menos masificáu y de más calidá, que los sos beneficios repercutan sobro tola población, que respete la identidá, formes de vida tradicionales, paisaxes y llingua d’Asturies, que nun afeute negativamente a cuestiones comu la vivienda o los servicios en zones turístiques y que permita la creación de trabayos con bones condiciones llaborales. 

Esta cabera cuestión foi la que más se recalcó nesta ocasión, denunciándose la precariedá llaboral de los trabayos venceyaos al sector turísticu ya insistiéndose en que una actividá turística bien orientada tien de repercutir positivamente nel conxuntu la sociedá asturiana, escomenzando polos y poles trabayadores del seutor, y nun puede traducise esclusivamente en beneficiu empresarial.

Alberto Rodríguez

This work is licensed under a Creative Commons Attribution 4.0 International License.