Esti vienres 9 de xunu, a les 20.00 hores, el Centru Niemeyer acueye’l conciertu de Mapi Quintana «Música pa tornar páxaros»
Esti espeutáculu foi encargáu pola Conseyería de Cultura a Mapi Quintana comu conciertu naugural de la programación d’Asturies nel Festival Intercélticu de Lorient (FIL) na edición del 2022.
El conciertu va ser la presentación del discu, qu’amás de los temes orixinales que Mapi Quintana compunxo pa esi espectáculu, contién un homenaxe a Elías García y a tola xente qu’echamos en falta.L’espectáculu axústate a un formatu conciertu estándar, nun set d’ocho composiciones nes que la voz y l’harmonía tienen tol protagonismu.
Van sentise melodíes asturianes a trés voces onde l’harmonía va enllazanos con époques más modernes y estétiques bien estremaes. La fonte d’inspiración más evidente ye la música impresionista y el jazz. L’arte visual de Marina Durany tien muncha importancia nel conciertu. Ta perfectamente sincronizao colo que se va escuchando y ye la representación visual de toles emociones que suenen nos cantares.
La entrada ye de baldre, con retirada previa d’invitación, lo que pue facese na taquilla del propiu Centru Niemeyer y tamién en Llaboral Ciudá de la Cultura (Xixón) y el CITPA (Uviéu).
Susana Sela
This work is licensed under a Creative Commons Attribution 4.0 International License.
