Bonos díes, bona xente.
Alborecemos col cielu poco nuboso o escampláu con unes temperatures que tan alrodiu de los 15ºC, rexistrándose nel puirtu Payares 9,8ºC.
Güei a partir del mediudía van dir desendolcándose les nubes dende la cordelera pa dexanos xarabatos de calter tormentosu repartios pela metá sur d’Asturies, siendo poco probables hacia’l llitoral. Les temperatures subirán y l’ambiente sedrá chornosu, sicasí pela costa l’aire nordés refrescará dalgo ya inclusu pue meter dalgo de nublina que se va formar na mar pol contraste de temperatura.
Mañana domingu la situación sedrá mui asemeyada, volveremos a esfrutar del sol na metá norte d’Asturies y volverán a desendolcase les nubes sobre la cordelera con xarabatos de calter tormentosu sobre esta fastera, siendo mui poco probables nel restu con unes temperatures que camudarán poco y col aire que sedrá sele con predominiu de la componente este. Na primera llinea de la costa volverán a tener nublines y borrinos durante’l día.
El llunes van a incrementase les tronaes y sedrán más estenses ya intenses, asina hasta’l xueves y paez qu’apartir del vienres dirá estabilizándose l’atmósfera quedando les tronaes mui llocalizaes a puntos de la cordelera con un ascensu moderáu de les temperatures pero esto yá lu diremos viendo.
Que paséis un bon sábadu collacies ya collacios.
El xueves ye cuando más cerquina va tar la borrasca atlántica empobinándonos dalgo d’aire fríu n’altor y calor en superficie, faciendo que se desendolquen les nubes con facilidá y mos dexen xarabatos tormentosos per toa Asturies.
Todas las reacciones:
Xuan Nel Gonzali, Xosé Avelino Devesa Castaño y 88 personas más
This work is licensed under a Creative Commons Attribution 4.0 International License.
