Parte Metereolóxicu 29 mayu

  • 29 Mayu, 2023
Bonos díes, bona xente.
Alborecemos col cielu poco nuboso o escampláu ya con unes temperatures que tan alrodiu de los 16ºC, rexistrándose nel puirtu Payares 11,2ºC.
Güei otra vegada más van dir desendolcándose les nubes al sur de la cordelera pa dexanos xarabatos de calter tormentosu durante la tarde per esa fasteran, nun algamando la metá norte d’Asturies. Les temperatures camudarán poco y l’aire sedrá del nordés con dalguna racha molesta pela costa.
Mañana martes vamos tener un día mui asemeyáu al llunes, sicasí la truena afeutará a más sitios y sedrán de mayor calter. Pela mañana esfrutaremos del sol y a partir del mediudía dirán surdiendo nubes de desendolque na cordelera pa dexanos xarabatos tormentosos pela tarde anque una vegada más sedrán mui poco probables na metá norte d’Asturies, centrándose nel interior montañosu con unes temperatures que camudarán poco, calteniéndose suaves.
El miércoles vamos tener nubes ya claros con unes temperatures en descensu, amás l’aire nordés pue soplar cafiante pela costa.
El xueves tendremos una situación mui asemeyada con nubes ya claros nel cielu, sicasí les temperatures másimes tienden a subir y l’aire nordés a amenorgar pela costa.
El vienres, sábadu y domingu vuelve la inestabilidá con nubes de desendolque a partir del mediudía que dirán repartiendo tronaes durante les tardes con unes temperatures n’ascensu que mos dexarán un ambiente chornosu.
Que paséis un bon llunes collacies ya collacios.
Cumal Torres de 2104 mts. Semeya fecha dende’l cumal Valverde pol Pastorín de Xove

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies