@eltiempunasturies
Bonos díes, bona xente.
Alborecemos col cielu nuboso ya con unes temperatures que tan alrodiu de los 12ºC, rexistrándose nel puirtu Payares 5,3ºC.
Güei vamos tener un día sele, con dalgo de nubosidá entemecida ente dellos claros y sin precipitaciones, amás les temperatures másimes ascenderán y l’aire sedrá sele ya variable con delles brises pela costa.
Mañana sábadu la entrada d’una vaguada atlántica va apurrinos inestabilidá que va traducise en xarabatos irregularmente repartios durante tol día per toa Asturies, sobre too na metá sur, con mayor probabilidá pela tarde pero con una llinea de precipitaciones pela mañana que afeutará a la fastera central asturiana. Les temperatures camudarán poco y los xarabatos van tener calter tormentosu.
El domingu va tar el cielu nuboso pero sin precipitaciones con unes temperatures másimes en llixeru descensu y col aire que sedrá sele ya varible.
La selmana viente vamos seguir con tiempu inestable ya primaveral pero con unes temperatures más baxes en xeneral.
This work is licensed under a Creative Commons Attribution 4.0 International License.
