Los convocantes presenten un decálogu de meyores necesaries pa l’Atención Primaria y reclamen al SESPA que faiga públicos los datos de les llistes d’espera
La Plataforma “Salvemos l’Atención Primaria”, qu’aconceya n’Asturies una trentena de coleutivos sociales, asociaciones profesionales y sindicatos convoca pa mañana, Día de l’Atención Primaria, movilizaciones en defensa d’una atención de calidá nos cientros de salú, presentando un decálogu qu’inclui el refuerzu de les plantiyes y la so meyora llaboral y que les demandes d’atención non urxentes s’atiendan en menos de 48 hores, pidiendo tamién al Serviciu de Salú SESPA medios pa finar col escesu d’atención telefónica (67’5% de les consultes) y les demores nes citaciones, que pueden algamar les dos selmanes en dalgunos cientros, siendo d’al menos una selmana nel 24% de los casos, cuestión que ye más grave n’aries urbanes.
N’Asturies habrá movilizaciones nunadecena de concejos. Sedrán de 12:00 a 14:00 hores frente a los centros de salú de Llanes, Tapia, El Berrón, Cangues y La Felguera.En Xixón será en Puerta de la Villa, en Oviedo/Uviéu en La Lila, n’ Avilés en Llano Ponte, en Mieres, C. S. Mieres Sur, ya’n Castrillón, nel C.S Piedres Blanques.
Alberto Rodríguez
This work is licensed under a Creative Commons Attribution 4.0 International License.
