El Grupu d’Apoyu a les 6 compañeres del Casu La Suiza llama a tolos medios de prensa, organizaciones polítiques, sociales y sindicales a amosar el so sofitu a les seis imputaes nesi casu
El Martes, 4 d’abril, a les 11:30 hores nel Salón d’actos de La Sindical de Xixón, tendrá llugar un actu de presentación del Grupu d’apoyu y de les movilizaciones que van entamase n’apoyu de les 6 persones condergaes a 3’5 años de cárcele pol fechu de solidarizase con una trabayaora que taba careciendo un fuerte acosu llaboral na Pastelería la Suiza.
Estes condergues son un pelligrosu precedente na llinia de criminalizar y castigar el llabor sindical, métodu pol que faen por finar cola solidaridá pente obreres, polo que’l sofitu a estes acusaes ye un apoyu a toles causes sindicales y al drechu d’exercer llibremente’l sindicalismu.
Redaición InfoAsturies
This work is licensed under a Creative Commons Attribution 4.0 International License.
