• Portada
  • >
  • Sociedá/Llaboral
  • >
  • Ratifiquen la conderga a 6 miembros de la CNT por defender a una emplegá de la Pastelería La Suiza de los abusos del propietariu

Ratifiquen la conderga a 6 miembros de la CNT por defender a una emplegá de la Pastelería La Suiza de los abusos del propietariu

  • 20 Abril, 2022

Al considerar que los actos de protesta nun queden amparaos na llibertá d’espresión nin sindical el TSXA asienta un pelligrosu precedente col que s’ataca de frente’l drechu de los trabayaores a defendese

El conflictu cola Pastelería LA SUIZA parte de la denuncia d’una de les sos emplegaes, qu’ afirma que durante dos años tuvo faciendo alrodiu de 80 hores estres al mes obligatories, ensin remunerar, denegándose-y asinamesmo’l drechu a vacaciones.

Arriendes d’ello según pallabres de la trabayaora –que cuenta con un informe mélicu nel que se confirmen los abusos- les vexaciones de calter sesual yeren avezaes na pastelería, con comentarios y entrugues so la so ropa interior y menacies del tipu “si pierdes tal apuesta desnúdeste”, siendo vezu que recibiere wasaps personales, dalgunos incluso con imáxenes o insinuaciones sesuales.

Lo que finalmente llevó a la trabayaora a denunciar la so situación ante la CNT, sindicatu que llideró la so defensa, foi la denegación d’atención durante’l so embarazu, nel que llegó a sufrir dos menacies d’albuertu.

La ciudadanía, cola CNT al frente, retrucó contundentemente ante estos abusos, concentrándose delantre la pastelería y creando una páxina de sofitu “lasuizaexplota.es”, que sedríen forciaos a presllar por orde xudicial, vulnerando la llibertá d’espresión y la capacidá de llucha ante los abusos. Tres dellos meses de boicó y movilizaciones en protesta el propietariu de la Pastelería La Suiza  decidió aparar la so actividá empresarial, denunciando a dellos miembros de la CNT polos “escraches” fechos pente mayu y agostu del 2017, polo que fueron condergaos pol Xulgau de lo Penal 1 de Xixón.

El Tribunal Superior de Xusticia d’Asturies vien de ratificar la conderga de prisión pa seis de los ocho acusaos, afitando un total de 25,3 años de prisión pente toos, absolviendo a dos de los implicaos y considerando que “los actos de protesta nun queden amparaos nin pol exerciciu de la llibertá d’espresión nin de la llibertá sindical”.

Dende’l sindicatu ya comunicaron que recurrirán la sentencia ante’l Tribunal Supremu. «Diremos fasta onde faiga falta pa defender los drechos de los nuesos compañeros. La xusticia vuelve a atacar al sindicalismu y a la clas trabayaora. Ye un ataque ensin precedente y nun pararemos fasta que se faiga xusticia», declararon.

Llucía F. Marqués

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies