Bonos díes, bona xente.

Alborecemos col cielu poco nuboso en xeneral, sicasí hai dalguna nube alta ya con unes temperatures que tan alrodiu de los 10ºC, rexistrándose nel puirtu Payares 5ºC.

Güei vamos tener el cielu poco nuboso pela mañana, surdiendo delles nubes de desendolque pela tarde que puen dexanos xarabatos febles de calter tormentosu irregularmente repartios más probables en zones de montaña con unes temperatures en descensu y cola colta de nieve que rondará los 1700m. L’aire sedrá gallegu baxu con dalguna racha fuerte en zones altes de la cordelera.

Mañana sábadu la nubosidá sedrá más abondosa ya tendremos precipitaciones febles ya intermitentes con vientu de componente noroeste que va soplar con fuercia en puntos del llitoral y zones altes de montaña con unes temperatures que van descender llixeramente ya cola cota de nieve que rondará los 1700m.

El domingu abriranse dellos claros, subirán dalgo les temperatures másimes y l’aire va quedar sele ya variable.

Que paséis un bon fin de selmana collacies ya collacios.

Semeya d’una sacavera que mos l’apurre’l nuesu collaciu Luis Alfredo.