Esbarrumbe nel Rei Pelayo, una llaceria anunciao

  • 13 Xineru, 2023

Tantu Andecha Astur comu los sindicatos d’ensiñantes CSI Educación y SUATEA ven nel desdexamientu de la escuela pública un interés políticu col envís de favorecer a la escuela concertao

Ayeri el suelu del aula de tres años del CP Rey Pelayo fundió, quiso la suerte qu’anantes de que los escolinos aportaren al colexu. La llaceria anduvo mui cerca y nun pue decise que fore una sospresa que parte l’edificiu esbarrumbara, les fiendes son visibles años hai, el patiu ta protexíu con una rede que se supón tien d’aparar los más que probables desprendimientos de la fachada…
A entamos del 2022 l’equipu téunicu’l Conceyu Xixón revisaba l’estáu del colexu, garrando nota de toles sos deficiencies y alcordando tomar midies, pero de fechu nun s’entamaron les obres afayaices, col resultáu que tamos viendo. Agora mesmo tol colexu queda catalogáu comu inacesible, polo que podemos dicir que’l esbarrumbe d’esti aula pudo ser providencial pa torgar la presencia d’escolinos nun espaciu de tan alta pelligrosidá.

Toca asumir la responsabilidá sobre’l desdexamientu que lleva, non solo a esti colexu sinón a dellos de la rede pública, a convertir dir a escuela nuna pelligrosa aventura. Si el Rey Pelayo, nel cientru Xixón, presenta estes condiciones, nun son meyores les de munchos cientros rurales.

La inversión n’educación nun ye una prioridá y eso espéyase a tolos niveles de la rede pública educativa, nun siendo los edificios una esceición, lo que pon en pelligru non solo el futuru académicu de los asturianos más nuevos sinón la so propia integridá física. Tantu Andecha Astur comu los sindicatos d’ensiñantes CSI Educación y SUATEA ven nello un interés políticu por parte del gobiernu asturianu ya’l plenu municipal, col envís de favorecer a la escuela concertada, privando de recursos a la pública.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies