Los Grupos Ambientales Asturianos treslladaren tantu al Ministeriu de Transición Ecolóxica y Retu Demográficu comu al Co-Direutor por Asturies del Parque Nacional de Picos la so refuga a l’autorización de la nuea pista d’acesu rodau pente la Vega de las Mantegas y la Mayada de Belbín, n’Onís
Nel conceyu recientemente cellebráu en Camaleño pol Patronatu vien d’aprebase l’apertura d’una pista pa vehículos metanes el Parque Natural de Picos que daría acesu a una zona que ya lu tien, ensin ameyorar los tiempos nin la seguridá pa los usuarios, polo que los ecoloxistes afirmen nun pescanciar el so envís.
Amás, esta pista fadríase contra lo recoyío nel preceutivu informe del Comité Téunicu del Parque (formáu polos tres Co-Direutores y tres Téunicos con responsabilidaes en xestión d’Espacios Naturales, quienes coinciden colos ecoloxistes no innecesario de la pista, alertando amás del pelligru de dar otru acesu a los Llagos, que podría llegar a utilizase con envís turísticu, daqué bien afayaizo pa les pretensiones del Conceyu d’Onís, pesi al grave impautu que supondría pa una zona ya masificao.
L’informe del Comité Téunicu dexa nidio que la utilidá d’esta pista pa ganaeros y queseros sedría nula, trayendo en tou casu más turismu a los sos caminos, daqué que nun fae sinón estorbar el desendolcu normal de los trabayos d’estos.
Redaición InfoAsturies
This work is licensed under a Creative Commons Attribution 4.0 International License.
