Pesi a l’alta pelligrosidá del trabayu na terminal de carga y descarga, la empresa ñégase a entamar una brigada de rescate
Esti fin de selmana un trabayaor de EBHI careció una grave cayía a estremau nivel cuandu taba desenganchando una pala cargaora de gran tonelaxe na bodega’l buque “Bettis Perfection”, careciendo una serie contusión torácica y abdominal. La evacuación, que duró más d’una hora, foi realizá polos propios compañeros de trabayu, quienes lu sacaron del espaciu confináu pa treslladalu al muelle, onde foi recoyíu pola ambulancia.
L’acidente pon de relieve la necesidá d’una brigada d’emerxencies operativa en tolos turnos de trabayu, entamá por personal cualificáu del mesmu turnu. Sicasí, y pesi a que dende la estaya sindical de CSI n’EBHI se solicitare repetidamente la formación d’esti cuerpu de rescate, la empresa ñégase a costituyila.
Poro, entendiendo esto comu una grave neglixencia por parte la direición d’EBHI, procederán a interponer demanda ante ispeición de trabayu.
Esta irregularidá súmase a munches otres venceyaes a cuestiones organizatives, llaborales, mediuambientales y de seguridá ambiental que son tantu más grave cuando se trata d’una empresa de titularidá pública, como ye’l casu.
Llucía F. Marqués
This work is licensed under a Creative Commons Attribution 4.0 International License.
