Agora InfoXixón ta disponible tamién per Whatsapp

  • 8 Avientu, 2022

Información turística de Visita Xixón habilita una nueva vía de relación colos visitantes por aciu’l conocíu serviciu de mensaxería istantánea

El Conceyu Xixón vien de poner en marcha una nueva canal de comunicación con quienes visiten la ciudá al traviés de whatsapp business. El númberu ye’l 618 30 39 31  y furrula nel mesmu horariu d’atención presencial, pudiendo solicitase y recibir nelli la información turística de Xixón.
Esti sistema permite solicitar y recibir información turística d’una manera cenciella y cómoda por aciu esta aplicación, qu’en 2021 yá usaben más de dos mil millones de persones nel mundu, y supón un pasu más na dixitalización de los servicios turísticos.
Xixón ye destín turísticu intelixente certificáu dende 2020, cuando superó l’ 80% esixíu por Segittur pa llograr la distinción que respuende poles bones práctiques del destín nos cinco exes analizaos: acesibilidá, caltenibilidá, anovación, gobernanza y teunoloxía.

Alberto Rodríguez

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies