AsturCON, I Convención de Fantasía Asturiana

25 Payares, 2022

Un nuevu eventu apruz nel calendariu d’arruelu alternativu y cultural asturianu, una propuesta que dificilmente dexará indiferente a naide que tenga un plizcu maxín. La Convención de Fantasía Asturiana AsturCON, que se cellebrará’l 17 d’avientu na Llaboral Centru d’Arte, abre la puerte a un universu alternativu, y faelo tamién n’asturianu

“La fantasía, la ciencia ficción, l’horror y el rol manden n’Asturies. Son los reis, vamos. Yá seya con una espada máxica, yá seya con un cañón de pulsos, los fans de lo fantástico yá nun piden permisu, nin perdón. Agora somos el carneru la llueca”. Con esa prevocadora entrada, afaladora y fasta ciertu puntu inquietante, preséntase AsdturCON, la Convención de Fantasía Asturiana que tocará dellos temes perinteresantes a los llargo de cinco meses reondes y qu’amás dará la oportunidá a los escritores asturianos de presentar ante delles editoriales la so obra.

Tres de la inauguración y receición, a les doce’l mediudíi, tan previstes les “Speed Dates”, un formatu americanu que permite presentar en versión rápida un proyeutu -nesti casu lliterariu- a un posible inversor -nesti casu editor- que pudiere tar interesáu, poniendo’n contautu autores y editores; una idega de la qu’esperamos surdan interesantes collaboraciones y novedaes lliteraries.

Darréu y fasta les 9 la nueche entamarán les charres, nes que s’entemecerán maxa, mitoloxía, diversidá, heroes y rol – dexámosvos el programa de les mesmes, pero animámosvos a estudiar más a fondu’l so conteníu na páxina web del eventu-. Pente medies, a les 16:30, un garrapiellu de 30 asistentes, previa iscripción abierta ya na web, podrán esfrutar d’una visita guiada a la istalación inmersiva El mundu ye viesca, de rotor Studio.

PROGRAMA: