La sentencia del TSXA da la razón a la CSI al afirmar que demientres los años 2017 y 2022 el SEPA desvió cuasi siete millones y mediu d’euros que tendría d’invertir n’emerxencies
Entantu les istalaciones y cientros de trabayu del SEPA tan en condiciones llacerioses, el parque móvil ta más qu’avieyáu y les erbíes de trabayu tan más qu’obsoletos, nun se sabe onde s’invirtieron 7.450.878 de los 11.102.458 € que les entidaes aseguraores del Fondu UNESPA apurrieron nesi periodu pa la meyora y ampliación de los servicios d’emerxencia.
La CSI, depués d’esgotar la vía alministrativa, denunció estos fechos por vía xudicial, interponiendo recursu contenciosu alministrativu a traviés del lletráu Javier Calzadilla. La sentencia del Tribunal Superior de Xusticia Asturianu da la razón a esti sindicatu, recoyendo que namás 3.651.580 € foron dedicaos al fin llegalmente previstos pa ello.
Redaición InfoAsturies
This work is licensed under a Creative Commons Attribution 4.0 International License.
