Convocaes aides escontra la probitú infantil en Gozón

  • 26 Agostu, 2022

13.999 euros tienen d’algamar pa cubrir les necesidaes básiques d’alimentación, vivienda, soministros, salú, meterial escolar, hixene y ropa de les families y al tiempu prevenir situaciones d’esclusión social de los menores

En Gozón viven 1.250 menores de los que, aplicando la tasa de probitú infantil n’Asturies (20%) alrodiu de 250 viven en riesgu de probitú. L’alcaldía de Gozón vien d’aprebar la convocatoria del Programa d’Aides a families en dificultaes económiques con menores a cargu (Probitú infantil)”, pal exerciciu 2022 por importe de 13.909 euros. Ello ye, ca menor tendrá drechu a una media de 55’99 € colos qu’esquivar la probitú esti añu.

Esti ambiciosu programa pretende promover el desendolcu integral y la inclusión social de los y les menores en situación de vulnerabilidá, potenciando les sos capacidaes, favoreciendo la igualdá d’oportunidaes y promoviendo el desendolcu social y educativu y la participación, incluyendo l’arruelu infantil.

Trátase d’un proyectu que tien como primer oxetivu prevenir situaciones de falta y esclusión social que pueden aniciase nel períodu non escolar con oxetu d’asegurar que los neños y neñes más vulnerables tengan cubiertes les sos necesidaes básiques como alimentación saludable, equilibrao y apropiao a la so edá.

La cuantía total de la sovención ye de 13.909€ que s’estrema en dos programes: L’ A1 que son Aides direutes pa les families, cubriendo necesidaes básiques d’alimentación, hixene, ropa, etc. y facilitando l’accesu a otros servicios como los de salú, educación (material escolar, aides pa comedor), vivienda (arriendu y meyora de les condiciones de habitabilidá de la vivienda, soministros, etc.) y d’emplegu.
El programa A2 val para prevenir situaciones d’ esclusión social que puedan aniciase en períodu non lectivu.

Los criterios de concesión vienen marcaos pola conseyería y calcúlase en función de los ingresos de la unidá familiar y del númberu de miembros que lu componen. Los interesaos tendrán de presentar los documentos pertinentes nel rexistru del Conceyu de Gozón del 29 d’agostu al 17 d’ochobre.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies