• Portada
  • >
  • Ensi​n categoría
  • >
  • Conceyu informativu sobro la espulsión de tres cargos de Podemos Asturies por denunciar los despidos inxustificaos d’emplegaes del partíu

Conceyu informativu sobro la espulsión de tres cargos de Podemos Asturies por denunciar los despidos inxustificaos d’emplegaes del partíu

  • 21 Xuño, 2022
Protestar contra los despidos inxustificaos o llevar la contraria a los caciquinos del partíu ta castigao cola espulsión en Podemos
Asina lo deprendieron, poles males, Andrés Ron, Mayi Colubi y Fran Suárez, suspendios de militancia por denunciar publicamente’l despidu irregular de cincu trabayaores n’avientu, con implicación direuta de la direutiva del partíu en Madrí, que saltó perriba de la so dellegación asturiana.
La espulsión d’estos tres hestóricos militantes, pente los que destaca Andrés Fernández Vilanova, (Andrés Ron) que fore diputáu de la formación morá por Asturies y secretariu d’Organización de Podemos Asturies, vieno tamién notificá dende Podemos Estatal.
El motivu oficial, protestar públicamente polos despidos de l@s trabayador@s de Podemos Asturies, despidos que tan entá en xuiciu y que nun de los casos ya foi llegalmente declaráu comu improcedente.
O polo menos, esi ye l’argumentu oficial de Sofía Castañón y Rafael Palacios pa xustificar la espulsión de tres persones que se podríen interponer nel so camín a la gloria (entendiendo por gloria’l sillón presidencial pol que tantu nagüen).
No hay ninguna descripción de la foto disponible.Hai voces, dientro’l mesmu partíu, qu’acusen a los dirixentes de Podemos Asturies de purga ideolóxica y d’escudase na cúpula española del partíu pa ocultar los sos vraeros pruyimientos: qu’Andrés Ron fore la persona que más votos recibió de la militancia nes pasaes primaries, nes que los actuales dirixentes foron acusaos, pente otres coses, de fraude elleutoral.
Tamién se yos acusa direutamente de servilismu, sucursalismu y sumisión a Podemos Estatal. Recordemos que l’ascensión del mesmu Rafael Palacios a la cúpula de Podemos Asturies tuvo tamién estrada d’intrigues y maniobres de despachu qu’apuntaben el camín a seguir por un políticu con llargu hestorial d’esguil de puestos.
Les primeres consecuencies d’esta decisión ya se vieron nel pasáu Conseyu Ciudadanu, al que nun acudieron munchos participantes desencantaos pol furrulamientu de Podemos Asturies dende la sospechosa ascensión de los actuales cabezaleros.
Sicasí, Ron ñégase a aceutar comu inevitable la corrución del partíu qu’aidó a fundar y  y  mañana a les seies de la tardi nel Manglar (Uviéu) ta convocáu un conceyu n’apoyu a los tres espulsaos.

Nuria Prendes

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies