Primaries en Podemos: continúa’l circu

  • 13 Xaneiro, 2022

La candidatura “Asturies dende cerca” acusa a Sofía Castañón de fraude electoral y amenaza con llevala a los tribunales, mientres ella afirma que  los de Ripa faen el ridículu

El sector críticu del partíu, encabezáu por Daniel Ripa, autoproclámase ganador de la votación cellebrada na “Rede de círculos” pa completar el Conceyu Ciudadanu Autonómicu de Podemos,  pesi a que la victoria oficial ye pa Castañón. El discutiniu ciéntrase’l lo que llamen “votos pirates”, que daríen seis de los puestos del CCA a miembros allegaos a Sofía Castañón y cuatro a los compañeros de Daniel Ripa, faciendo que’l votu de calidá de la estaya más fiel a Madrid seya decisivu en cualisquier alderique.

Estos nomamientos, que se fadríen efeutivos el prósimu sábadu en Llugo Llanera, consíguense gracies a los votos de cuatro “círculos” acabante crear la cabera selmana, xusto anantes de les votaciones y claramente con esi envís, daqué que dende’l sector de Ripa consideren fraudulento polo que si ye necesario van allegar a los tribunales.

Pela so parte, l’equipu de Castañón siéntese protexíu polos sos superiores na capital y nun tarrez les consecuencies de la so peculiar estratexa elleutoral, declarando que ye una “Llástima ver a un exdiputáu faciendo asina’l ridículu”. Daniel Ripa ye’l postrer representante de Podemos que disienta públicamente de decisiones de la direición cientral, polo que la victoria de Sofía Castañón daría la hexemonía estatal al partíu.

 

Nuria Prendes

This work is licensed under a Creative Commons Attribution 4.0 International License.

1 Comment Already

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies