• Portada
  • >
  • Sociedá/Llaboral
  • >
  • Andecha Astur lleva a los trabayaores asturianos de 14 empreses en crisis a un aconceyamientu colos diputaos d’Agora Repúbliques

Andecha Astur lleva a los trabayaores asturianos de 14 empreses en crisis a un aconceyamientu colos diputaos d’Agora Repúbliques

  • 21 Xunu, 2022

Andecha Ástur acompangará pasáu mañana a Madrid a un autocar de representantes del sindicatu Corriente Sindical d’Izquierda y de les empreses asturianes en crisis, p’aconceyar colos diputaos de la so coalición “Agora Repúbliques”, Óskar Matute (EH Bildu) y Gabriel Rufián (Esquerra Republicana de Catalunya)

Amás de facilitar a los trabayaores un conceyu colos diputaos, nesti viaxe  Andecha Ástur va apurrir a los diputaos de la so coalición una batería d’entrugues pa realizar al Gobiernu español, conformáu por PSOE y Xuníes Podemos, sobro la so responsabilidá na nueva desisdustrialización d’Asturies, sobro les sos alternatives y sobro la pasividá cómpliz que caltien el Gobiernu d’Adrián Barbón ante tou esti desaniciu.

Les plantiyes que tarán representaes nel conceyu colos diputaos son les d’ALSA, Delcom, Duro Felguera, Limpac, Vayven, Modultec, Danone, Vauste, Just Eat, Glovo, Llacera, Trefilería Moreda, Konecta y EBHISA, namás una representación de les decenes d’empreses nes que hai abiertos conflictos llaborales.  Nel Congresu los Diputaos van tener la oportunidá d’esponer la so situación y apurrir un informe sobro la situación d’estes empreses y les reivindicaciones que defenden les sos plantiyes.

Lo que lleva a Andecha Astur a entamar esti viaxe ye la situación d’emerxencia y precariedá que se vive n’Asturies, tres de lo que definen comu “un procesu continuu de perda de condiciones sociales, económiques, llaborales, medioambientales, culturales, identitaries… que paez nun tener fin”. Nesi sen acusen a los socesivos gobiernos d’Asturies y España de xenerar una desindustrialización planiada d’Asturies, col consiguiente desaniciu del texíu socioeconómicu asturianu; una planificación qu’inclui, sigún la organización “la sobresplotación ambiental que naz del despreciu al mediu ambiente, la represión llingüística, l’aculturización, la destrucción del patrimoniu cultural y ecolóxico… too ello dientro d’un marcu de falta de llibertaes democrátiques y de desdexación de funciones, cuando non de collaboracionismu servil y sucursalista de les istituciones y los políticos asturianos”.

El conceyu cellebraráse baxo’l llema “Hai Futuru”, pa destacar l’enfotu de la organización nacionaliega por sacar alantre’l país, contra les polítiques siguies fasta agora polos partios españoles n’Asturies. Nesi sen Andecha Astur tien espublizaes na so web una riestra de midies escontra la precariedá pal futuru d’Asturies.

 

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies